बारावीच्या मुलीला तो मेसेज धडकला अन्‌…; वेदांतनगर पोलिसांची समयसूचकता आली कामी!

By City News Desk

On 03 Jul 2024

बारावीच्या मुलीला तो मेसेज धडकला अन्‌…; वेदांतनगर पोलिसांची समयसूचकता आली कामी!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : बारावीत शिकणाऱ्या मुलीला आत्‍महत्‍येसाठी जात असल्याचा मेसेज वडिलांनी केला अन्‌ ती भांबावून गेली… तिने तातडीने पोलिसांना मदतीसाठी विनवणी केली. वेदांतनगर पोलिसांनीही तातडीने प्रतिसाद देत सूत्रे हलवली अन्‌ जीव देण्यासाठी निघालेल्या तिच्या वडिलांचे प्राण वाचवले! ही घटना सोमवारी (१ जुलै) साडेतीनच्या सुमारास घडली. कंपनीतील नोकरी १५ दिवसांपूर्वी गेली. घरातील कुरबुरी वाढल्या. […]

छत्रपती संभाजीनगर (सीएससीएन वृत्तसेवा) : बारावीत शिकणाऱ्या मुलीला आत्‍महत्‍येसाठी जात असल्याचा मेसेज वडिलांनी केला अन्‌ ती भांबावून गेली… तिने तातडीने पोलिसांना मदतीसाठी विनवणी केली. वेदांतनगर पोलिसांनीही तातडीने प्रतिसाद देत सूत्रे हलवली अन्‌ जीव देण्यासाठी निघालेल्या तिच्या वडिलांचे प्राण वाचवले! ही घटना सोमवारी (१ जुलै) साडेतीनच्या सुमारास घडली.

कंपनीतील नोकरी १५ दिवसांपूर्वी गेली. घरातील कुरबुरी वाढल्या. या तणावातून बजाजनगरजवळील वडगाव कोल्हाटी येथील गट नं. ६, जीवननगर भागातील ४२ वर्षीय व्यक्‍तीने मुलीला आत्‍महत्‍येसाठी रेल्वेस्टेशनला जात असल्याचा मेसेज केला. वडील घरी नसल्याने मुली घाबरून गेली.

तातडीने कुटुंबीयांनी वेदांतनगर पोलिसांशी संपर्क केला. पोलिसांनी तांत्रिक तपास करत अवघ्या अर्ध्या तासात या व्यक्तीला शोधून आत्‍महत्‍येपासून परावृत्त केले. हा व्यक्‍ती एका कंपनीत नोकरीला होता. पत्नी व दोन मुलींसह राहतो. पोलिसांनी समुपदेशन करून सर्वांना घरी पाठविल्याची माहिती पोलीस निरीक्षक प्रविणा यादव यांनी पत्रकारांना दिली.