छत्रपती संभाजीनगर (सीएससीएन वृत्तसेवा) : जुन्या भांडणाच्या कारणावरून २० वर्षीय तरुणाला गाठून चार तरुणांनी बेदम मारहाण करून इनोवा कारमधून अपहरण करत सेंट फ्रान्सिस स्‍कूलमागे नेत लोखंडी रॉडने पुन्हा मारहाण केली. यात तरुण गंभीर जखमी झाला असून, घाटी रुग्णालयात उपचार सुरू आहेत. सिडको एमआयडीसी पोलिसांनी चौघांविरुद्ध गुन्हा दाखल केला आहे. ही घटना रविवारी (२६ जानेवारी) दुपारी […]
छत्रपती संभाजीनगर (सीएससीएन वृत्तसेवा) : जुन्या भांडणाच्या कारणावरून २० वर्षीय तरुणाला गाठून चार तरुणांनी बेदम मारहाण करून इनोवा कारमधून अपहरण करत सेंट फ्रान्सिस स्‍कूलमागे नेत लोखंडी रॉडने पुन्हा मारहाण केली. यात तरुण गंभीर जखमी झाला असून, घाटी रुग्णालयात उपचार सुरू आहेत. सिडको एमआयडीसी पोलिसांनी चौघांविरुद्ध गुन्हा दाखल केला आहे. ही घटना रविवारी (२६ जानेवारी) दुपारी ४ च्या सुमारास घडली.
ईश्वर प्रसाद तायडे (वय २०, रा. नारेगाव, भाजीमंडी, छत्रपती संभाजीनगर) याने या प्रकरणात तक्रार दिली आहे. तो आई-वडिलांसह राहतो. त्‍याचे १२ वीपर्यंत शिक्षण झाले असून, पोलीस भरतीची तयारी करतो. रविवारी (२६ जानेवारी) दुपारी ४ च्या सुमारास तो आणि त्‍याचा मित्र विकास राजू भसांडे (वय २६, रा. नारेगाव, भाजीमंडी, छत्रपती संभाजीनगर) मोटरसायकलीने (MH 20 BS 6529) कॅनॉट येथून घरी नारेगाव कडे जात होते. गाडी नर्मदेश्वर महादेव मंदिर, एन १ सिडको येथे पंक्‍चर झाली. त्‍याचवेळी तिथेच राहणाऱ्या सुमित बंगाळे याने दोघांना पाहिले. त्याने त्याच्या मित्रांना फोन करून बोलावून घेतले.
ईश्वर तायडेचा मित्र ओम ढाकणे (रा. नारेगाव) याच्यासोबत सुमितचा वाद झालेला होता. त्‍यावरून सुमित बंगाळे व त्याच्या तीन मित्रांनी ईश्वरला लाकडी दांड्याने डोके,पाठीवर मारले. नंतर सुमितच्या हातातील दांडा दुसऱ्याने घेत त्‍यानेही ईश्वरला मारले. तिथून इनोवा (MH 20- 9922, पूर्ण नंबर ईश्वरला आठवत नाही.) गाडीमध्ये टाकून ईश्वरला सेंट फ्रान्सिस स्‍कूलमागे नेत लोखंडी रॉडने ईश्वरला पुन्हा बेदम मारहाण करण्यात आली. नंतर तिथेच सोडून हल्लेखोर पसार झाले. तिथून ईश्वरने त्याच्या आई व मामाला मोबाइलवरून घडलेला प्रकार सांगितला. आई व मामा आल्यावर ईश्वरने सिडको MIDC पोलीस ठाणे गाठून तक्रार दिली. ईश्वरवर घाटी रुग्णालयात उपचार सुरू आहेत. पोलीस अंमलदार पंडित चव्हाण अधिक तपास करत आहेत.
