Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : छत्रपती संभाजीनगर शहरातील सिंधी कॉलनी येथील आदित्य सुरजमल शर्मा (वय ७०) हे श्री साई सेवा मंडळाच्या गणेश विसर्जनासाठी जुने कायगाव येथे आल्यानंतर बेपत्ता झाले होते. ते नदीवरील पुलावरून पडल्याचा संशय होता. गुरुवारी (१९ सप्टेंबर) सकाळी आठला जायकवाडी धरणाच्या बॅक वॉटरमध्ये त्यांचा मृतदेह मिळून आला. मंगळवारी (१७ सप्टेंबर) रात्री १० वाजता […]
छत्रपती संभाजीनगर (सीएससीएन वृत्तसेवा) : छत्रपती संभाजीनगर शहरातील सिंधी कॉलनी येथील आदित्य सुरजमल शर्मा (वय ७०) हे श्री साई सेवा मंडळाच्या गणेश विसर्जनासाठी जुने कायगाव येथे आल्यानंतर बेपत्ता झाले होते. ते नदीवरील पुलावरून पडल्याचा संशय होता. गुरुवारी (१९ सप्टेंबर) सकाळी आठला जायकवाडी धरणाच्या बॅक वॉटरमध्ये त्यांचा मृतदेह मिळून आला.
मंगळवारी (१७ सप्टेंबर) रात्री १० वाजता विसर्जन आटोपून मंडळाचे सदस्य परत शहराकडे निघाले. मात्र त्यांना आदित्य शर्मा सोबत नसल्याचे दिसले. त्यानंतर मंडळातील सर्व सदस्यांनी त्यांचा शोध सुरू केला. मात्र ते सापडले नाहीत. ते जुने कायगाव येथील गोदावरी नदीच्या पुलावरून बेपत्ता झाल्याची तक्रार कुटुंबीयांनी गंगापूर पोलीस ठाण्यात केली होती. स्थानिक जीवनरक्षक दलाच्या साहाय्याने बोटीद्वारे त्यांचा नदीपात्रात शोध घेण्यात आला. मात्र बुधवारी सायंकाळपर्यंत शोध लागला नव्हता. गुरुवारी सकाळी सहाला नगरपालिकेच्या अग्निशमन पथकाने पुन्हा शोधमोहीम सुरू केली. सकाळी आठला जुने अमळनेर शिवारात एका व्यक्तीचा मृतदेह पाण्यात तरंगताना आढळला. पोलिसांनी मृतदेहाची ओळख पटवली असता ते आदित्य शर्माच असल्याचे समोर आले.
.jpg)
