Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : एका चोराने हद्दच केली. दुकान फोडताना सहसा चोर मध्यरात्री किंवा पहाटे साडेचारच्या आतील वेळ निवडतात. पण एका चोराने हद्दच केली. जुना बायजीपुऱ्यातील गंजेशहिदामागे गेटअप फॅब्रिकेशन दुकानासमोर सकाळी साडेसहालाच हा चोर धडकला. दुकानमालक दुकानाशेजारीच राहायला. चोर आला दुकानासमोरील ५ हजार रुपयांचे लोखंडी पाइपचे गेट डोक्यावर उचलले आणि निघाला... ते पाहून दुकानमालक सय्यद अजहर मोहम्मद अली (वय ४८) चक्रावलेच. त्यांनी लहान भाऊ सय्यद अथर सय्यद मोहम्मद अली यांच्यासह चोराकडे धाव घेतली. या वेळी चक्क चोराने त्यांच्याशी वाद घातला. त्यामुळे दोन्ही भावांनी चोराला पकडून जिन्सी पोलीस ठाण्यात आणले. ही घटना गुरुवारी (६ ऑगस्ट) सकाळी घडली.
मोहम्मद नफीस मोहम्मद याकूब (वय २८, रा. रहेमानिया कॉलनी) असे या चोराचे नाव असल्याचे समोर आले. त्याला ताब्यात घेत पोलिसांनी सय्यद अजहर यांच्या तक्रारीवरून गुन्हा दाखल केला आहे. मोहम्मद नफीसने चोरीसाठी आणलेली २० हजारांची होंडा मोपेडही जप्त करण्यात आली आहे. अधिक तपास पोलीस अंमलदार शेख शाहेद करत आहेत.
.jpg)
.jpg)
