Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : दौलताबाद टी पॉइंटवर अवैध वाळू वाहतूक करणारे दोन हायवा जिल्हा खनिकर्म अधिकारी अनिल घनसावंत यांच्या पथकाने ३ ऑगस्टला पहाटे अडीचच्या सुमारास पकडले होते. एका हायवात ७ तर दुसऱ्यात ५ ब्रास वाळू होती. दोन्ही वाहने वाळूसह अप्पर तहसील कार्यालयात लावली होती. मात्र मंगळवारी (५ ऑगस्ट) ते बुधवारी (६ ऑगस्ट) मध्यरात्रीदरम्यान त्यातील एक हायवा पळवून नेण्यात आल्याचा धक्कादायक प्रकार समोर आला आहे.
याप्रकरणी गुरुवारी (७ ऑगस्ट) सहायक महसूल अधिकारी जितेंद्र जाधव यांनी सिटी चौक पोलीस ठाण्यात तक्रार दिली आहे. त्यावरून पोलिसांनी हायवा मालक अनिस शेख (रा. छत्रपती संभाजीनगर) व चालक शेख नईम शेख (रा. बाजारखेडा, ता. छत्रपती संभाजीनगर) यांच्याविरुद्ध गुन्हा दाखल केला आहे. अप्पर तहसीलच्या कार्यालयातून त्यांनी १० लाख रुपयांचा हायवा आणि ३ हजार रुपयांची वाळू पळवून नेल्याचे तक्रारीत म्हटले आहे. अधिक तपास सहायक पोलीस निरीक्षक दिलीप चंदन करत आहेत.
.jpg)
