आदर्श घोटाळ्यातील संशयित महिला चक्क शिंदे गटात दाखल!

By City News Desk

On 10 Dec 2025

आदर्श घोटाळ्यातील संशयित महिला चक्क शिंदे गटात दाखल!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : गोरगरीबांचे पैसे लुटणाऱ्या आदर्श पतसंस्थेच्या घोटाळ्यातील दोन संशयित महिलांना शिवसेनेच्या शिंदे गटाने प्रवेश दिला आहे. या दोन्ही संशयित महिला जामिनावर सुटल्या असून, राजाश्रय शोधत होत्या. त्यांना शिंदे गटाने आश्रय दिल्याचे दिसत आहे. एमआयएमचे प्रदेशाध्यक्ष इम्तियाज जलील यांनी या प्रकाराचा भंडाफोड केला आहे.

शिंदे गटानेही भाजपसारखीच वॉशिंग मशीन सुरू केल्याचा आरोप जलील यांनी केला आहे. रूपाली शेंडगे आणि सपना निर्मळ या घोटाळ्यातील संशयित महिलांचे शिंदे गटातील प्रवेशाचे फोटो आणि त्यांच्यावरील आरोपपत्र जलील यांनी सोशल मीडियावर प्लॅटफॉर्म X वर पोस्ट केले आहेत. दरम्यान, या प्रकाराबद्दल मंत्री संजय शिरसाट यांनी हात झटकले असून, या महिलांबाबत मला माहिती नाही. आम्‍ही इतर कार्यकर्त्यांना प्रवेश दिला होता. त्यांच्यासोबत या महिला आल्या असतील, अशी सारवासारव केली आहे. माजी महापौर नंदकुमार घोडेले म्हणाले, की आशिष शेंडगे यांचा मुख्य प्रवेश सोहळा होता. त्यांच्यासोबत कोण आले, याची आम्हाला माहिती नाही. या प्रकारामुळे राजकीय वर्तुळात खळबळ उडाली आहे. आदर्श पतसंस्थेचे प्रकरण छत्रपती संभाजीनगरसाठी अत्यंत संवेदनशील आहे. या घोटाळ्यामुळे अनेकांचा बळी गेला आहे.