Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
नाशिक (सीएससीएन न्यूजडेस्क) : नाशिक शहरातील कॉलेज रोड येथील एका स्पा सेंटरमध्ये नोकरी करणाऱ्या विधवा युवतीवर लग्नाचे आमिष दाखवून स्पा सेंटरच्या मालकाने सलग चार वर्षे लैंगिक अत्याचार केला. याप्रकरणी संशयित भीमसिंह नायक (रा. नवी मुंबई) याच्याविरुद्ध युवतीच्या फिर्यादीवरून बलात्कार, ॲट्रॉसिटी कायद्यांतर्गत उपनगर पोलीस ठाण्यात गुन्हा दाखल करण्यात आला आहे.
युवतीच्या तक्रारीनुसार, युवती भीमसिंह नायकच्या स्पा सेंटरमध्ये कामाला जात होती. दोघांत नंतर प्रेमाचे संबंध निर्माण झाले. भीमसिंह याने तिला लग्नाचे आमिष दाखवून २२ जुलै २०२१ ते २१ जून २०२५ या कालावधीत वारंवार वेगवेगळ्या ठिकाणी शारीरिक संबंध प्रस्थापित केले. दरम्यान, ती गर्भवती झाल्यानंतर तिच्यावर गर्भपात करण्यासाठी दबाव टाकला. तसेच तिने लग्न करण्याबाबत विचारणा केली असता त्याने जातीयवाचक शिवीगाळ करत तिला मारहाण केली. यानंतर आपली फसवणूक झाल्याचे लक्षात येताच तिने उपनगर पोलिस ठाणे गाठून तक्रार दिली. पोलिसांनी तक्रार अर्जानुसार संशयित भीमसिंह याच्याविरुद्ध गुन्हा दाखल केला आहे. अधिक तपास सहायक पोलिस आयुक्त डॉ. सचिन बारी हे करीत आहेत.
.jpg)
