State News : इन्स्टाग्रामवरून ओळख झालेल्या प्रियकराने लैंगिक शोषण केले, पण लग्‍नास नकार!

By City News Desk

On 28 Jun 2025

State News : इन्स्टाग्रामवरून ओळख झालेल्या प्रियकराने लैंगिक शोषण केले, पण लग्‍नास नकार!

नागपूर (सीएससीएन वृत्तसेवा) : लग्‍नाच्या आमिषाने २३ वर्षीय तरुणीवर वारंवार लैंगिक अत्‍याचार करणाऱ्या २५ वर्षीय तरुणाविरुद्ध नागपूरच्या वाठोडा पोलिसांनी गुन्हा दाखल केला आहे. इन्स्टाग्रामवरून दोघांची ओळख झाली होती. तरुणी तरुणी पाचपावली पोलीस ठाण्याच्या हद्दीत राहते, तर घटना वाठोडा पोलीस ठाण्याच्या हद्दीत घडली. फैजान अन्सारी उर्फ अबरार अन्सारी (वय २५, वाठोडा) असे संशयिताचे नाव आहे. इन्स्टाग्रामच्या […]

नागपूर (सीएससीएन वृत्तसेवा) : लग्‍नाच्या आमिषाने २३ वर्षीय तरुणीवर वारंवार लैंगिक अत्‍याचार करणाऱ्या २५ वर्षीय तरुणाविरुद्ध नागपूरच्या वाठोडा पोलिसांनी गुन्हा दाखल केला आहे. इन्स्टाग्रामवरून दोघांची ओळख झाली होती. तरुणी तरुणी पाचपावली पोलीस ठाण्याच्या हद्दीत राहते, तर घटना वाठोडा पोलीस ठाण्याच्या हद्दीत घडली.

फैजान अन्सारी उर्फ अबरार अन्सारी (वय २५, वाठोडा) असे संशयिताचे नाव आहे. इन्स्टाग्रामच्या माध्यमातून त्याची २३ वर्षीय तरुणीशी ओळख झाली. काही दिवसांनी ते व्हॉट्सअॅपवर बोलू लागले आणि त्यांच्यात मैत्री झाली. ते नियमित भेटू लागल्यावर फैजानने तरुणीला प्रेमाच्या जाळ्यात ओढले आणि तिला लग्न करण्याचे आमिष दाखविले. २६ जुलै २०२० ते ५ मे २०२५ या कालावधीत त्याने लग्नाचे आश्वासन देत तिच्यासोबत अनेकदा शारीरिक संबंध ठेवले. मात्र लग्नाचा विषय काढल्यावर तो टाळाटाळ करायचा. त्याने मे महिन्यात तिच्याशी लग्न करणार नसल्याचे तिला सांगितले आणि ती चांगलीच हादरली. तिने वाठोडा पोलिस ठाणे गाठत तक्रार केली. पोलिसांनी फैजानच्या विरोधात गुन्हा दाखल करत त्याला अटक केली आहे.