Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : महापालिकेच्या बुलडोझरशाहीविरुद्ध लोक आता कमालीचे आक्रमक झाले आहेत. सर्वपक्षीय आंबेडकरी संघटनांनी शुक्रवारी (८ ऑगस्ट) दुपारी क्रांती चौक ते विभागीय आयुक्त कार्यालयापर्यंत जनआक्रोश मोर्चा काढला. पोलीस आयुक्तांच्या आधी नोटीस, मार्किंग, मग पाडापाडी या भूमिकेचे स्वागत मोर्चाने करतानाच महापालिका आयुक्त जी. श्रीकांत यांच्याविरुद्ध मात्र आक्रमक भूमिका घेतली. जी. श्रीकांत यांनी बुलडोझरशाही थांबवावी, जी. श्रीकांत व उपायुक्त संतोष वाहूळ यांच्याविरुद्ध घोषणाबाजी करत त्यांच्या संपत्तीची चौकशी करण्याची मागणी करण्यात आली.
क्रांती चौकातील छत्रपती शिवाजी महाराजांच्या पुतळ्याला अभिवादन करून मोर्चाला सुरुवात झाली. सिल्लेखाना चौक, पैठणगेट, गुलमंडी, सिटी चौक, किल्लेअर्क मार्गे व्हीआयपी रोडने विभागीय आयुक्त कार्यालयावर मोर्चा धडकला. याठिकाणी मोर्चाचे रूपांतर जाहीर सभेत झाले. दीपक निकाळजे यांनी सूत्रसंचालन केले. दीपक केदार यांचे मुख्य भाषण झाले. त्यांनी भाषणातून महापालिका आयुक्त आणि अतिक्रमण निर्मूलन पथकप्रमुखांवर गंभीर आरोप केले. रस्ता रूंदीकरण मोहिमेच्या नावाखाली गरीबांच्या घरावर बुलडोझर चालवले. श्रीमंतांच्या घरांना हात लावला नाही. ही कारवाई थांबली नाहीतर आयुक्तांना जनतेच्या रोषाला सामोरे जावे लागेल, असा इशारा केदार यांनी दिला.
.jpg)
.jpg)
