Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : मध्यवर्ती बसस्थानकासमोरील पार्किंगमध्ये सतीश अण्णाराव हिवराळे (वय २२, रा. चोथमल गिरणीच्या बाजूला, समतानगर) हा संशयास्पदरित्या अंधारात लपून बसला होता. गस्तीवरील पोलिसांनी त्याला पकडले. तो काहीतरी गुन्हा करण्याच्या उद्देशानेच तिथे तसा लपून बसला होता, हे लक्षात आल्यावर क्रांतीचौक पोलिसांनी त्याच्याविरुद्ध गुन्हा दाखल करत त्याला ताब्यात घेतले आहे. ही कारवाई आज, ८ ऑगस्टला पहाटे साडेबाराच्या सुमारास (मध्यरात्री) करण्यात आली.
पोलीस अंमलदार रवींद्र खरात यांनी या प्रकरणात तक्रार दिली आहे. खरात यांच्यासह पोलीस अंमलदार प्रकाश चव्हाण व इरफान खान हे गस्त घालत असताना मोटारसायकलीच्या उजेडात हिवराळे दिसला. पोलिसांना पाहून तो पळू लागला. त्यामुळे पाठलाग करून पोलिसांनी त्याला पकडले. अधिक तपास सहायक पोलीस उपनिरीक्षक प्रमोद खंदारे करत आहेत.
.jpg)
