छत्रपती संभाजीनगर (मेट्रोपोलिस पोस्ट वृत्तसेवा) : डॉ. बाबासाहेब आंबेडकर मराठवाडा विद्यापीठातर्फे पहिल्यांदाच होणारा केंद्रीय लोककला महोत्सव ११ व १२ जानेवारी रोजी होणार आहे. यात ११ कलाप्रकार घेण्यात येतील, अशी माहिती विद्यार्थी विकास मंडळ संचालक डॉ. कैलास अंभुरे यांनी दिली.
कुलगुरू डॉ. विजय फुलारी यांनी स्वतंत्र लोककला महोत्सव घेण्याचे गेल्या वर्षीच्या युवक महोत्सवात घोषित केले होते. लोककला महोत्सवासाठी महाविद्यालयांचा सहभाग ऐच्छिक असणार आहे. संलग्नित महाविद्यालयांनी या ११ कलाप्रकारांत नावनोंदणी १० ते २० डिसेंबर या काळात ऑनलाईन करावी. २६ डिसेंबरपर्यंत सॉफ्टकॉपी विद्यार्थी विकास विभागात हरिश्चंद्र साठे यांच्याकडे जमा करावी, असे डॉ.अंभुरे यांनी कळविले आहे.
लोककलेत ११ प्रकार लोककला महोत्सवात एकूण ११ कला प्रकार सादर होणार आहेत. यात पोवाडा, गोंधळ, भजन, भारुड, लावणी, लोकगीत, लोकनाट्य, वासुदेव, कवाली, जलसा व कविता असे ११ कलाप्रकार असणार आहेत. काव्यवाचन व वासुदेव हे कलाप्रकार वैयक्तिक गटात तर उर्वरित सांघिक कला प्रकार असणार आहेत. महोत्सवाचे उद्घाटन, समारोप व कार्यक्रमाची जय्यत तयारी सुरू आहे.
सव्वा दोनशे महाविद्यालयांकडून दंड वसूलकेंद्रीय युवक महोत्सवात ४८७ पैकी २२६ महाविद्यालयांच्या संघांनी प्रत्यक्ष सहभाग घेतला नाही. या सर्व महाविद्यालयांकडून प्रत्येकी दहा हजार रुपयांचा दंड वसूल करण्यात आला आहे. या संदर्भात व्यवस्थापन परिषद व युवक महोत्सव सल्लागार समितीच्या शिफारशीवरून हा दंड वसूल करण्यात आला, अशी माहिती डॉ. कैलास अंभुरे यांनी दिली.
.jpg)
.jpg)
.jpg)
.jpg)
