- Marathi News
- एक्सक्लुझिव्ह
- धक्कादायक… वाळू माफियावर कारवाई करणाऱ्या तहसीलदार मुंडलोड यांना पोलिसांनी ३ तास बसवून ठेवले, गाडीही
धक्कादायक… वाळू माफियावर कारवाई करणाऱ्या तहसीलदार मुंडलोड यांना पोलिसांनी ३ तास बसवून ठेवले, गाडीही जप्त केली!; जिल्हाधिकाऱ्यांना पत्र लिहून तहसीलदारांनी सांगितली आपबिती
छत्रपती संभाजीनगर (सीएससीएन वृत्तसेवा) : छत्रपती संभाजीनगरात एक धक्कादायक प्रकार समोर आला आहे. अवैधरित्या वाळू वाहतूक करणारे वाहन पकडले म्हणून स्वतःला पोलीस कर्मचारी असल्याचे सांगणाऱ्या पवार नावाच्या वाळू माफियाने तहसीलदार रमेश मुंडलोड यांना शिवीगाळ करून धमकावले, अरेरावी केली. त्याच्याविरुद्ध कारवाईसाठी जिन्सी पोलीस ठाणे गाठले असता तिथल्या अधिकाऱ्यांनीही पवारलाच साथ दिली व उलट तहसीलदारांचीच गाडी जप्त […]
छत्रपती संभाजीनगर (सीएससीएन वृत्तसेवा) : छत्रपती संभाजीनगरात एक धक्कादायक प्रकार समोर आला आहे. अवैधरित्या वाळू वाहतूक करणारे वाहन पकडले म्हणून स्वतःला पोलीस कर्मचारी असल्याचे सांगणाऱ्या पवार नावाच्या वाळू माफियाने तहसीलदार रमेश मुंडलोड यांना शिवीगाळ करून धमकावले, अरेरावी केली. त्याच्याविरुद्ध कारवाईसाठी जिन्सी पोलीस ठाणे गाठले असता तिथल्या अधिकाऱ्यांनीही पवारलाच साथ दिली व उलट तहसीलदारांचीच गाडी जप्त केल्याने प्रशासकीय वर्तुळात खळबळ उडाली आहे. त्या दिवशी जो धक्कादायक प्रकार घडला, त्याची लेखी तक्रार तहसीलदारांनी जिल्हाधिकारी दिलीप स्वामी यांच्याकडे केली आहे. त्यानंतर जिल्हाधिकारी दिलीप स्वामी यांनी पोलीस उपायुक्त प्रशांत स्वामी यांच्याशी फोनवरून चर्चा केली. विशेष पोलीस महानिरीक्षकांनाही पत्र लिहिणार असल्याचे जिल्हाधिकारी स्वामी यांनी सांगितले आहे.
जिल्हाधिकाऱ्यांना लिहिलेल्या पत्रात तहसीलदार रमेश मुंडलोड यांनी म्हटले आहे, की ६ फेब्रुवारी रोजी रात्री १०. वा. मी रमेश मुंडलोड, तहसीलदार (छत्रपती संभाजीनगर) शासकीय काम व काही राजशिष्टाचाराची कामे आवरून घराकडे जात असताना विजय चौक गारखेडा परिसर येथे एक वाळूने भरलेला हायवा आढळला. वाळू वाहतुकीबद्दल चालकाला विचारणा केली असता त्याने रॉयल्टी नसल्याचे सांगितले. पवार नावाच्या पोलीस कर्मचाऱ्याची गाडी असल्याचे त्याने सांगितले. तलाठी व मंडळ अधिकाऱ्यांना बोलावून हायवा जप्त करून मी तहसील कार्यालयाकडे येत असताना पोलीस अधीक्षक कार्यालयाशेजारी पवार व त्याच्या साथीदारांनी माझी गाडी थांबवली. मला अरेरावीच्या भाषेत पवारने तो स्वतःला पोलिस कर्मचारी आहे म्हणत होता, त्याने शिवीगाळ सुरू केली.
वाळूमाफियांविरुद्ध मुंडलोड लढाई
तहसीलदार रमेश मुंडलोड हे कायम अवैध वाळू वाहतुकीविरुद्ध कारवाया करत असतात. यापूर्वीही त्यांच्या धडाकेबाज कारवाया चर्चेत आल्या आहेत. काही कारवायांदरम्यान वाळू माफियांनी त्यांच्यावर हल्लाही केला आहे.