दोन दुचाकींची समोरासमोर धडक, पतीचा जागीच मृत्यू, पत्नी-मुलगा गंभीर जखमी, पैठणजवळील घटना

By City News Desk

On 23 Mar 2026

दोन दुचाकींची समोरासमोर धडक, पतीचा जागीच मृत्यू, पत्नी-मुलगा गंभीर जखमी, पैठणजवळील घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

पैठण (मेट्रोपोलिस पोस्ट वृत्तसेवा) : दोन दुचाकींची समोरासमोर जोरदार धडक होऊन एका युवकाचा जागीच मृत्यू झाला, तर त्याची पत्नी, मुलासह एकूण तीन जण गंभीर जखमी झाले आहेत. ही दुर्घटना पैठण- शेवगाव रस्त्यावरील चनकवाडी फाट्याजवळ रविवारी (२२ मार्च) रात्री आठच्या सुमारास घडली.

जितेंद्र हरिश्चंद्र काळे (वय ३२ वर्षे, रा. खडका मडका, ता. शेवगाव जि. अहिल्यानगर) असे मृत्यू झालेल्याचे नाव आहे. दोन्ही दुचाकींची धडक इतकी जोरात होती, की चारही जण रस्त्यावर फेकले गेले. जितेंद्र यांचा जागीच मृत्यू झाला, तर त्यांच्या पत्नी सावित्रा जितेंद्र काळे (वय २७) व मुलगा निखिल जितेंद्र काळे (वय ६) यांच्यासह दुसऱ्या दुचाकीवरील एक जण गंभीर जखमी झाला. त्याचे नाव समजू शकले नाही. ग्रामस्थांनी तातडीने मदतीसाठी धाव घेतली. पैठण पोलिसांनाही कळवले. पोलीस उपनिरीक्षक प्रमोद यादव यांनी सहकाऱ्यांसह येऊन जखमींना रुग्णवाहिकेद्वारे उपचारासाठी छत्रपती संभाजीनगर येथील घाटी रुग्णालयात हलविले. अपघातामुळे रस्त्यावरील वाहतूक विस्कळीत झाली होती. दोन्ही दुचाकी वाहने पोलीस ठाण्यात जमा केली आहेत. अपघाताची नोंद पैठण पोलीस ठाण्यात घेण्यात आली.