सराफा दुकानात आला, घाई अन्‌ एकूणच वर्तन संशयास्पद वाटल्याने दुकानदारही सतर्क झाला, संशय खरा झाला..., जयभवानीनगरमध्ये काय घडलं...

By City News Desk

On 23 Mar 2026

सराफा दुकानात आला, घाई अन्‌ एकूणच वर्तन संशयास्पद वाटल्याने दुकानदारही सतर्क झाला, संशय खरा झाला..., जयभवानीनगरमध्ये काय घडलं...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : जयभवानीनगर परिसरातील दुर्गा ज्वेलरी दुकानातून १६ वर्षीय मुलाने दोन अंगठ्या चोरून पळण्याचा प्रयत्न केला. दुकानदाराने सतर्कता दाखवत भावाच्या मदतीने त्याला पकडून मुकुंदवाडी पोलिसांच्या ताब्यात दिले. ही घटना शुक्रवारी (२० मार्च) सायंकाळी साडेपाचच्या सुमारास घडली.

या प्रकरणी अमित आनंदराव जगदाळे (वय ३२, रा. गल्ली क्र. ३, जयभवानीनगर) यांनी या प्रकरणात तक्रार दिली आहे. अमित हे दुकानात भावासोबत होते. १६ वर्षांचा संशयित मुलगा दुकानात आला. त्याने सोन्याच्या अंगठ्या दाखवण्यास सांगितले. ट्रेमधील अंगठ्या पाहताना त्याने एक छोटी अंगठी बोटात घातली. त्याच्या हालचालींवरून अमित जगदाळे यांना संशय आल्याने त्यांनी भावाला दुकानाबाहेर थांबण्यास सांगितले. अंगठ्या पाहत असतानाच मुलाने अचानक दोन अंगठ्या घेऊन दुकानातून पळ काढला.

मात्र, बाहेर त्याच्या प्रतीक्षेतच असलेल्या अमित यांच्या भावाने त्याला पकडले. त्यानंतर या मुलाने स्वतःजवळील खंजीर काढून जगदाळे बंधूंना जीवे मारण्याची धमकी दिली. जगदाळे यांनी मुकुंदवाडी पोलिसांना कळवताच त्यांनी घटनास्थळी येऊन संशयित मुलाला ताब्यात घेतले. मुलगा अंगठ्या पाहताना खूप घाई करत होता. एक लहान अंगठी बळजबरीने बोटात घालत होता. त्याच्या वागण्यावरून संशय आला होता, असे दुकानदार जगदाळे यांनी सांगितले.