Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
खुलताबाद (सीएससीएन वृत्तसेवा) : सोलापूर-धुळे राष्ट्रीय महामार्गावरील पोटूळ फाट्यावर (ता. खुलताबाद) हायवाच्या धडकेत ३१ जुलैला रात्री दुचाकीस्वार विशाल बालचंद पवार (वय २२, रा. वेरूळ तांडा, ता. खुलताबाद) गंभीर जखमी झाला होता. त्याचा छत्रपती संभाजीनगरातील खासगी रुग्णालयात उपचारादरम्यान सोमवारी (४ ऑगस्ट) दुपारी मृत्यू झाला. २० दिवसांपूर्वीच विशाल बाप झाला आहे. बाळाला काही कळण्याच्या आतच पितृछत्र हरपले, तर विशालच्या पत्नीवर दुःखाचा आघात झाला आहे.
विशाल व त्याचे मामा किशोर शंकर राठोड (वय २६, रा. वेरूळ) हे गेवराई तांडा येथे दुचाकीने (क्र. एमएच २० एफटी २१७९) गेले होते. गेवराई तांडा येथे विशालची चुलत बहीण अनिता सचिन राठोड राहते. तिला भेटून सोलापूर-धुळे राष्ट्रीय महामार्गाने रात्री ९ ला परतत असताना लघवी आल्याने त्यांनी पोटूळ फाट्याजवळ गाडी थांबवली होती. त्याचवेळी हायवाने (क्र. एमएच २० जीझेड १९४६) त्यांच्या दुचाकीला जोरात धडक दिली होती. यात विशाल गंभीर जखमी झाला होता. विशालच्या पश्चात आई-वडील, भाऊ, बहीण, पत्नी व २० दिवसांचा मुलगा आहे. शिल्लेगाव पोलिसांनी हायवा चालकाविरोधात गुन्हा दाखल केला आहे.
.jpg)
