पहाटे तीनला २८ वर्षीय तरुणासोबत पळून जाताना १६ वर्षीय मुलगी CCTV कॅमेऱ्यात कैद!, सिल्लोडची घटना

By City News Desk

On 12 Aug 2025

पहाटे तीनला २८ वर्षीय तरुणासोबत पळून जाताना १६ वर्षीय मुलगी CCTV कॅमेऱ्यात कैद!, सिल्लोडची घटना

सिल्लोड (सीएससीएन वृत्तसेवा) : सिल्लोड शहरातील मिर्झा कॉलनीतील १६ वर्षीय मुलीला २८ वर्षीय तरुणाने दुचाकीवर बसवून पळवून नेले आहे. दोघेही सीसीटीव्ही कॅमेऱ्यात कैद झाले असून, मुलीच्या वडिलांच्या तक्रारीवरून तरुणाविरुद्ध सिल्लोड शहर पोलिसांनी गुन्हा दाखल केला आहे.

अरबाज भिकन शेख (वय २८, रा. मिर्झा कॉलनी, सिल्लोड) असे गुन्हा दाखल झालेल्या तरुणाचे नाव आहे. मुलीच्या वडिलांनी तक्रारीत म्‍हटले आहे, की ७ ऑगस्टला रात्री ११ ला तीन मुली, दोन मुले व पत्नी यांच्यासह जेवण करून झोपी गेलो होतो. ८ ऑगस्टला सकाळी सहाला १६ वर्षांची घरात दिसली नाही. घराचे लोखंडी गेट बाहेरून लावलेले दिसले. त्‍यामुळे त्‍यांनी मुलीबद्दल आजूबाजूला विचारणा केली असता कुणी काहीच सांगितले नाही.

नातेवाइकांकडेही ती गेली नव्हती. गल्लीत राहणारा अरबाज भिकन शेख हाही त्‍याच्या घरी नसल्याचे कळल्याने त्‍यांनी सिल्लोड शहर पोलिसांत धाव घेऊन तक्रार दिली असता सिल्लोड शहरात बसविण्यात आलेल्या सीसीटीव्ही कॅमेऱ्यांमध्ये मुलगी ही अरबाजच्या दुचाकीवर बसून जाताना ८ ऑगस्टच्या पहाटे साडेतीनच्या सुमारास दिसत आहे. संभाजी राजे चौक व महाराणा प्रताप चौकातून दोघे गेले. मुलगी ११ वीत शिकत होती. अधिक तपास पोलीस उपनिरीक्षक ज्ञानेश्वर कायंदे करत आहेत.