छत्रपती संभाजीनगर (सीएससीएन वृत्तसेवा) : शहरातील एएस क्लबजवळील एका झुडुपाला गळफास घेऊन तरुणाने आत्महत्या केली. ही घटना रविवारी (८ ऑगस्ट) सकाळी दहाच्या सुमारास समोर आली. रोहित नंदकुमार केदारे (वय २१, रा. वाळूज) असे आत्महत्या केलेल्या तरुणाचे नाव आहे.
रोहितचे वाळूज भागात इलेक्ट्रिक साहित्याचे दुकान आहे. तो आई-वडिलांना एकुलता एक होता. शनिवारी दुपारी तो घराबाहेर पडला होता. रविवारी सकाळी झाडाला गळफास घेतलेल्या अवस्थेत तो मिळून आला. घाटी रुग्णालयात आणले असता डॉक्टरांनी तपासून मृत घोषित केले. त्‍याने आत्महत्या का केली, अद्याप समोर आलेले नाही.
सिल्लोडच्या रहिमाबादमध्ये हॉटेल व्यावसायिक तरुणाची आत्महत्या सिल्लोड तालुक्यातील रहिमाबाद येथील सुनील बाळू मोरे (वय २७ वर्षे, रा. रहिमाबाद) याने राहत्या घरी गळफास घेऊन आत्महत्या केली. ही घटना शनिवारी (२ ऑगस्ट) दुपारी १ वाजता समोर आली. सुनील गावातच हॉटेलचा व्यवसाय करत होता. त्‍याने गळफास घेतल्याचे लक्षात येताच नातेवाइकांनी सिल्लोडच्या उपजिल्हा रुग्णालयात आणले. मात्र डॉक्टरांनी तपासून मृत घोषित केले. सुनील यांच्या पश्चात आई, वडील, पत्नी, दोन मुले असा परिवार आहे.
.jpg)
.jpg)
.jpg)
.jpg)
.jpg)
.jpg)
