१८ वर्षीय मुलांच्या दुचाकीला भरधाव कारने उडवले, एकाचा जागीच मृत्‍यू, दुसरा गंभीर जखमी, फुलंब्री तालुक्‍यातील दुर्घटना

By City News Desk

On 29 Jun 2025

१८ वर्षीय मुलांच्या दुचाकीला भरधाव कारने उडवले, एकाचा जागीच मृत्‍यू, दुसरा गंभीर जखमी, फुलंब्री तालुक्‍यातील दुर्घटना

फुलंब्री (सीएससीएन वृत्तसेवा) : भरधाव कारच्या धडकेने दुचाकीस्वार तरुणाचा जागीच मृत्‍यू झाला, तर मागे बसलेला तरुण गंभीर जखमी झाला. ही दुर्घटना शनिवारी (२८ जून) सायंकाळी ४ वाजता छत्रपती संभाजीनगर-जळगाव राष्ट्रीय महामार्गावरील खामगाव फाटा (ता. फुलंब्री) येथे घडली. आदित्य भास्कर थोरात (वय १८, रा. खामगाव, ता. फुलंब्री) असे मृत्‍यू झालेल्या तरुणाचे नाव असून यश शामराव दांगुडे […]

फुलंब्री (सीएससीएन वृत्तसेवा) : भरधाव कारच्या धडकेने दुचाकीस्वार तरुणाचा जागीच मृत्‍यू झाला, तर मागे बसलेला तरुण गंभीर जखमी झाला. ही दुर्घटना शनिवारी (२८ जून) सायंकाळी ४ वाजता छत्रपती संभाजीनगर-जळगाव राष्ट्रीय महामार्गावरील खामगाव फाटा (ता. फुलंब्री) येथे घडली.

आदित्य भास्कर थोरात (वय १८, रा. खामगाव, ता. फुलंब्री) असे मृत्‍यू झालेल्या तरुणाचे नाव असून यश शामराव दांगुडे (वय १८, रा. खामगाव) गंभीर जखमी आहे. आदित्य त्याचा मित्र यशसोबत दुचाकीने (एमएच २० बीएस ६६८१८) सिल्लोडहून गावी येत होते. खामगाव फाट्यावर दुचाकी वळविताना मागून आलेल्या भरधाव कारने (एमएच ०३ सीएस ९७३०) त्यांना धडक दिली. दुचाकी शंभर फुटांपर्यंत फरफटत गेली. शेजारीच वडोद बाजार पोलीस ठाणे असल्याने पोलीस अंमलदारांनी तातडीने जखमी यशला फुलंब्री ग्रामीण रुग्णालयात व नंतर छत्रपती संभाजीनगरच्या खासगी रुग्णालयात दाखल केले. पोलिसांनी कारचालकाला ताब्यात घेतले आहे. आदित्य व यश वर्गमित्र असून त्यांनी यंदा १२ वी परीक्षा उत्तीर्ण केली आहे. आदित्यचे वडील परराज्यात कामाला आहेत, तर आई अपंग आहे. त्याला एक भाऊ आहे. यशचे कुटुंबीय परळीला कामाला आहेत.