नापिकी, कर्जबाजारीपणाला कंटाळून ३२ वर्षीय शेतकऱ्याने शेततळ्यातच घेतली जलसमाधी!, छ. संभाजीनगर तालुक्‍यातील धक्कादायक घटना

By City News Desk

On 01 Jul 2025

नापिकी, कर्जबाजारीपणाला कंटाळून ३२ वर्षीय शेतकऱ्याने शेततळ्यातच घेतली जलसमाधी!, छ. संभाजीनगर तालुक्‍यातील धक्कादायक घटना

छत्रपती संभाजीनगर (सीएससीएन वृत्तसेवा) : नापिकी आणि कर्जबाजारीपणाला कंटाळून ३२ वर्षीय शेतकऱ्याने शेततळ्यात जलसमाधी घेतली. ही धक्कादायक घटना छत्रपती संभाजीनगर तालुक्‍यातील गोलटगाव शिवारात सोमवारी (३० जून) सकाळी समोर आली. रामेश्वर अंकुश साळुंके (वय ३२, रा. गोलटगाव) असे आत्‍महत्‍या केलेल्या शेतकऱ्याचे नाव आहे. साळुंके अल्पभूधारक शेतकरी असून त्‍यांच्यावर विविध बँकाचे कर्ज आहे. रविवारी दुपारी घरी काहीही […]

छत्रपती संभाजीनगर (सीएससीएन वृत्तसेवा) : नापिकी आणि कर्जबाजारीपणाला कंटाळून ३२ वर्षीय शेतकऱ्याने शेततळ्यात जलसमाधी घेतली. ही धक्कादायक घटना छत्रपती संभाजीनगर तालुक्‍यातील गोलटगाव शिवारात सोमवारी (३० जून) सकाळी समोर आली.

रामेश्वर अंकुश साळुंके (वय ३२, रा. गोलटगाव) असे आत्‍महत्‍या केलेल्या शेतकऱ्याचे नाव आहे. साळुंके अल्पभूधारक शेतकरी असून त्‍यांच्यावर विविध बँकाचे कर्ज आहे. रविवारी दुपारी घरी काहीही न सांगता ते निघून गेले. सोमवारी सकाळी आठच्या सुमारास गट नंबर ४९६ मधील शेततळ्यात त्यांचा मृतदेह तरंगताना काही शेतकऱ्यांनी पाहिला. त्‍यांनी गावात कळवताच कुटुंबीयांनी धाव घेतली. साळुंके यांना बाहेर काढून छत्रपती संभाजीनगरच्या घाटी रुग्णालयात आणले असता डॉक्टरांनी तपासून मृत घोषित केले. संध्याकाळी त्यांच्या पार्थिवावर अंत्यसंस्कार करण्यात आले. रामेश्वर साळुंके यांच्या पश्चात आई, पत्नी, मुलगा, मुलगी असा परिवार आहे. घटनेची नोंद करमाड पोलिसांनी घेतली आहे.