जायकवाडीत ९ हजार ३५३ क्‍युसेकने पाणी होतेय दाखल, जलसाठा ६.२६ टक्‍क्‍यांवर

By City News Desk

On 28 Jul 2024

पैठण (सीएससीएन वृत्तसेवा) : पाणलोट क्षेत्रात होत असलेल्या जोरदार पावसामुळे जायकवाडीच्या नाथसागरात मोठ्या प्रमाणावर पाणी येण्यास सुरुवात झाली आहे. आज, २८ जुलैला सकाळी सहाला पाटबंधारे विभागाने दिलेल्या आकडेवारीनुसार, धरणात एकूण ६.२६ टक्‍के पाणीसाठा नोंदवला गेला आहे. सध्या धरणात ९ हजार ३५३ क्‍युसेकने पाणी दाखल होत आहे. गेल्या तीन दिवसांपासून जायकवाडी धरणाच्या पाणलोट क्षेत्रात दमदार पाऊस […]

पैठण (सीएससीएन वृत्तसेवा) : पाणलोट क्षेत्रात होत असलेल्या जोरदार पावसामुळे जायकवाडीच्या नाथसागरात मोठ्या प्रमाणावर पाणी येण्यास सुरुवात झाली आहे. आज, २८ जुलैला सकाळी सहाला पाटबंधारे विभागाने दिलेल्या आकडेवारीनुसार, धरणात एकूण ६.२६ टक्‍के पाणीसाठा नोंदवला गेला आहे. सध्या धरणात ९ हजार ३५३ क्‍युसेकने पाणी दाखल होत आहे.

गेल्या तीन दिवसांपासून जायकवाडी धरणाच्या पाणलोट क्षेत्रात दमदार पाऊस सुरू आहे. त्यामुळे वरच्या धरणांतून पाणी सोडण्यात आले आहे. पावसाळा सुरू होऊन दोन महिने लोटत आहेत. तरीही जायकवाडी धरणाची पाणीपातळी अगदीच नगण्य असल्याने भविष्यात जलसंकटाची चाहूल लागली होती.

मात्र गेल्या दोन दिवसांत चित्र बदलले आहे. मोठ्या प्रमाणावर पाणी धरणात दाखल होत आहे. ही छत्रपती संभाजीनगर शहरवासियांसह मराठवाड्यातील शेतकऱ्यांसाठी आनंदाची बाब आहे. गेल्या वर्षी २८ जुलै रोजी जायकवाडी धरणात २९.४२ टक्के जलसाठा उपलब्ध होता. आज धरण परिसरात ३ मि. मी. इतका पाऊस झाला.

सविस्तर तक्‍ता पहा…