Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : युनिफाइड डेव्हलपमेंट कंट्रोल ॲन्ड प्रमोशन रेग्युलेशनच्या (यूडीसीपीआर) नियमांचे छत्रपती संभाजीनगर शहरातील २३ हून अधिक बिल्डर व ३० प्लॉटिंग व्यावसायिकांनी उल्लंघन केले आहे. त्यामुळे या बिल्डर आणि प्लॉट व्यावसायिकांच्या प्रकल्पांची रजिस्ट्री रोखण्याचे आणि कम्प्लिशन सर्टिफिकेट न देण्याच्या सूचना ‘म्हाडा’ने संबंधित विभागांना केल्या आहेत.
‘यूडीसीपीआर’ नियमानुसार १० लाखांपेक्षा अधिक लोकसंख्या असलेल्या महापालिका हद्दीत ४ हजार चौरस मीटरपेक्षा मोठ्या प्रकल्पातील २० टक्के जागा ‘म्हाडा’ला देणे बंधनकारक आहे. मात्र बिल्डर व प्लॉटिंग व्यावसायिकांनी २० टक्के जागा ‘म्हाडा’ला न देता स्वतःच विकल्या. ही बाब समोर आल्यानंतर तातडीने पावले उचलत ‘म्हाडा’ने या प्रकल्पांची रजिस्ट्री रोखण्याचा आदेश जिल्हा सहनिबंधकांना दिला आहे. कम्प्लिशन सर्टिफिकेट न देण्याची सूचना महापालिकेला केली आहे. म्हाडाचे मुख्य कार्यकारी अधिकारी दत्तात्रय नवले यांनी याबाबतची माहिती पत्रकारांना दिली. यामुळे अशा प्रकल्पांत घर घेतलेल्यांसमोर अडचण निर्माण होणार आहे. कम्प्लिशन सर्टिफिकेट नसल्यास तो प्रकल्प कायदेशीरदृष्ट्या पूर्ण मानला जात नाही. हे बांधकाम बेकायदा समजले जाऊ शकते. कम्प्लिशन सर्टिफिकेट नसलेल्या इमारतींत राहायला जाऊ नये.
.jpg)
.jpg)
