‘मेट्रोपोलिस पोस्ट’ वृत्तपत्राच्या प्रथम अंकाचा आज विमोचन सोहळा!; चित्रा वाघ यांच्यासह आ. श्वेता महाले, संजना जाधव यांच्या हस्‍ते प्रकाशन

By City News Desk

On 13 Sep 2025

‘मेट्रोपोलिस पोस्ट’ वृत्तपत्राच्या प्रथम अंकाचा आज विमोचन सोहळा!; चित्रा वाघ यांच्यासह आ. श्वेता महाले, संजना जाधव यांच्या हस्‍ते प्रकाशन

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर : मेट्रोपोलिस पोस्ट वृत्तपत्राच्या प्रथम अंकाचा विमोचन सोहळा आज, २३ सप्‍टेंबरला सकाळी साडेअकराला होणार आहे. छत्रपती संभाजीनगरहून प्रसिद्ध होऊन संपूर्ण राज्यभरात हे वृत्तपत्र पोहोचणार आहे. पहिला अंक नवरात्रीनिमित्त महिला शक्तीला समर्पित केलेला असून, या अंकाचे विमोचन ५ शक्तीशाली महिलांच्या हस्ते होणार आहे.

विधान परिषद आमदार सौ. चित्राताई वाघ, चिखलीच्या (बुलडाणा) आमदार सौ. श्वेताताई महाले, कन्नडच्या आमदार सौ. संजनाताई जाधव, प्रगतशील शेतकरी सौ. सरोजाबाई कोंडके (लाडसावंगी, ता. छत्रपती संभाजीनगर), प्रगतशील शेतकरी आणि रेशीम उद्योजिका सौ. पार्वतीताई गिते (देवगाव, ता. पैठण) या ५ कर्तबगार महिला आपल्या शुभहस्ते मेट्रोपोलिस पोस्टच्या पहिल्या अंकाचे लोकार्पण करणार आहेत.

हा सोहळा एमजीएम हॉस्पिटलसमोरील ‘हॉटेल हॉलीडे प्राइड’ या भव्य हॉटेलच्या सभागृहात २३ सप्टेंबरला सकाळी साडेअकराला होणार आहे. या वेळी मेट्रोपोलिस पोस्ट वृत्तपत्राचे समूह संपादक भालचंद्र पिंपळवाडकर, कार्यकारी संपादक धनसिंह सूर्यवंशी, निवासी संपादक अरविंद देशमुख यांची प्रमुख उपस्थिती राहणार आहे. या सोहळ्याला उपस्थित राहण्याचे आवाहन संपादक मनोज सांगळे, सहसंपादक भगवान साळवे, सरव्यवस्थापक श्यामसुंदर ढगे, "छत्रपती संभाजीनगर सिटी न्यूज'च्या शहर संपादिका दिव्या पुजारी यांनी केले आहे.