SHOCKING : होमवर्क केला नाही म्‍हणून चिमुकल्या विद्यार्थ्यावर हैवान बनून कोसळला शिक्षक !; अमानुष मारहाण, पार्श्वभागासह हातपाय सुजवले !!, वाळूजमधील राजेश्री प्राथमिक विद्यालयातील संतापजनक घटना

By City News Desk

On 20 Aug 2025

SHOCKING : होमवर्क केला नाही म्‍हणून चिमुकल्या विद्यार्थ्यावर हैवान बनून कोसळला शिक्षक !; अमानुष मारहाण, पार्श्वभागासह हातपाय सुजवले !!, वाळूजमधील राजेश्री प्राथमिक विद्यालयातील संतापजनक घटना

छत्रपती संभाजीनगर (सीएससीएन वृत्तसेवा) : होमवर्क केला नाही म्‍हणून इतिहास विषय शिकवणाऱ्या शिक्षकाने चिमुकल्या विद्यार्थ्याला अमानुष मारहाण केली. यात त्‍याच्या पार्श्वभागासह हात, पाय सुजले आहेत. मारहाणीचे तीव्र व्रण दिसून आले आहेत. वाळूज पोलिसांनी हैवान बनलेल्या या शिक्षकाविरुद्ध गुन्हा दाखल केला आहे. या घटनेमुळे खळबळ उडाली आहे.

मुलाच्या ३४ वर्षीय पित्‍याने वाळूज पोलीस ठाण्यात तक्रार दिली आहे. ते वाळूजच्या लाइननगरात पत्नी, १३ वर्षीय आणि ११ वर्षीय अशा दोन मुलांसह राहतात. खासगी कंपनीत नोकरी करतात. त्‍यांचा १३ वर्षीय मुलगा वाळूजच्या राजेश्री प्राथमिक विद्यालयात सातवीत शिकतो. मंगळवारी (१९ ऑगस्ट) सकाळी साडेसातला त्‍याला आईने शाळेत सोडले. दुपारी साडेबाराला तो घरी परतला असता त्‍याने सांगितले, की इतिहास विषय शिकवणारे शिक्षक शहा यांनी मला काल होमवर्क दिला होता.

तो मी केला नाही म्हणून त्यांनी मला लाकडी छडीने, माझ्या पार्श्वभागासह डाव्या मांडीवर, डाव्या हाताच्या दंडावर पायावर पाय देऊन व दोन्ही हात एका हातात धरून मारहाण केली आहे. ते ऐकून त्‍याचे आई-वडील हादरले. त्‍यांनी मुलाची पाहणी केली असता त्‍याच्या पार्श्वभागासह डावी मांडी, डाव्या दंडावरती अमानुष मारहाण केल्याचे वळ होते. त्‍याचे आई-वडील त्‍याला घेऊन लगेचच वाळूज पोलीस ठाण्यात आले व शिक्षक शहाविरुद्ध तक्रार दिली. अधिक तपास पोलीस अंमलदार भीमराव शेळके करत आहेत.

आणखी महत्त्वाच्या बातम्या