दुचाकी चोरून भावाला वापरायला दिली... चोरीच्या दुचाकीसह २२ वर्षीय तरुणाला अटक, वाळूज MIDC पोलिसांची कारवाई

By City News Desk

On 20 Aug 2025

दुचाकी चोरून भावाला वापरायला दिली... चोरीच्या दुचाकीसह २२ वर्षीय तरुणाला अटक, वाळूज MIDC पोलिसांची कारवाई

छत्रपती संभाजीनगर (सीएससीएन वृत्तसेवा) : वडगाव कोल्हाटीतून दुचाकी चोरून भावाला वापरायला दिली. पोलिसांना कळताच त्‍यांनी भावाला दुचाकीसह उचलले. दुचाकी चोरणारा फरारी झाला असून, त्‍याचा शोध पोलीस घेत आहेत. ही कारवाई आज, २० ऑगस्टला गरवारे कंपनीसमोर करण्यात आली.

अतुल शालिकराम भंडारी (वय ३०, रा. देवद्वारका कॉम्प्लेक्स, श्रीराम प्लाझा, वडगाव कोल्हाटी) यांची २० हजारांची मोटारसायकल घराच्या पार्किंगमधून चोरीला गेली होती. वाळूज एमआयडीसी पोलिसांनी गुन्हा दाखल करून तपास सुरू केला होता. आज, २० ऑगस्टला गुन्हे शाखेचे पोलीस उपनिरीक्षक संदीप शिंदे, पोलीस अंमलदार योगेश नवसारे, मनोज विखनकर, राहुल बंगाळे, मंगेश शिंदे हे वाळूज एमआयडीसीतील कामगार चौकात पेट्रोलिंग करत असताना गुप्त बातमीदारामार्फत माहिती मिळाली की, ओमकार कंपनीकडे जाणाऱ्या रोडवर गरवारे कंपनीसमोर गुलाबी शर्ट घातलेल्या व्यक्‍तीकडे चोरीची मोटारसायकल आहे. त्‍यावरून पथकाने तातडीने तिथे धाव घेतली आणि संशयित कृष्णा कांबळेला पकडले. त्‍याच्या ताब्‍यातून चोरीची मोटारसायकल जप्त केली. त्‍याने सांगितले, की ही मोटारसायकल माझा भाऊ संतोष अशोक कांबळे (रा. साठेनगर, वाळूज, ता. गंगापूर) याच्याकडून घेतली आहे. संतोष काळे घरी मिळून आला नाही. त्‍याचा शोध घेतला जात आहे.

आणखी महत्त्वाच्या बातम्या

SHOCKING : होमवर्क केला नाही म्‍हणून चिमुकल्या विद्यार्थ्यावर हैवान बनून कोसळला शिक्षक !; अमानुष मारहाण, पार्श्वभागासह हातपाय सुजवले !!, वाळूजमधील राजेश्री प्राथमिक विद्यालयातील संतापजनक घटना

By City News Desk

रोखठोक : पोलिसांच्या आई-बहिणीच्या पार्श्वभागाचा उल्लेख करणाऱ्या चौधरीच्या पार्श्वभागावर लाथ नाही घालायची तर काय आरती करायची?, नक्की काय घडलं होतं, ज्‍यामुळे DYSP कुलकर्णींची उद्विग्नता वाढली...

By City News Desk

मुख्यमंत्री, उपमुख्यमंत्री न आल्याने अधिकाऱ्यांनीच उरकले जलपूजन, अधिकृत लोकार्पण सोहळा लवकरच : मनपा आयुक्‍त, शहराला वाढीव योजनेचे पाणी येणे सुरू...

By City News Desk

SHOCKING : ४ जणांनी आत्‍मघाताचा निर्णय घेतल्याने छत्रपती संभाजीनगर हादरले!, देवळाई, सातारा, हर्सूल, गोलवाडीत काय घडलं...

By City News Desk

जगण्याचे छळले होतेच, मृत्‍यूनंतर क्रांतीचौक पोलिसांनीही ‘ताटकळत’ ठेवले..., ७ तास मृतदेह घाटीत पंचनाम्याविना, कुटुंबीयांचा संताप!

By City News Desk

३०-३० घोटाळा : सूत्रधाराचा जिवलग मित्र सुदाम चव्हाण अटकेत!

By City News Desk

दुचाकी चोरून भावाला वापरायला दिली... चोरीच्या दुचाकीसह २२ वर्षीय तरुणाला अटक, वाळूज MIDC पोलिसांची कारवाई

आणखी महत्त्वाच्या बातम्या