Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : सिडको एमआयडीसी पोलीस ठाण्याच्या हद्दीत एक धक्कादायक प्रकार समोर आला आहे. एआयद्वारे अश्लील व्हिडीओ बनवून एमआयएम उमेदवाराची बदनामी करण्यात आली असून, त्यावरून पोलिसांनी आज, १४ जानेवारीला तौफिक कुरैशी नावाच्या व्यक्तीविरुद्ध गुन्हा दाखल केला आहे.
शहरातील ३५ वर्षीय एमआयएम उमेदवाराने या प्रकरणात तक्रार दिली आहे. तक्रारीत म्हटले आहे, की ते महापालिकेची नगरसेवक पदाची निवडणूक लढत आहेत. मंगळवारी (१३ जानेवारी) रात्री साडेदहाच्या सुमारास ते त्यांच्या संपर्क कार्यालयात असताना ओळखीच्या व्यक्तीने त्यांना एक व्हिडीओ पाठविला. त्यात कोणीतरी एआय पद्धतीने जाणीवपूर्वक त्यांचा अश्लील व्हिडीओ बनवून त्यावर ‘एमआयएम उम्मीददवार XXX XXX. क्या आपको ऐसे उम्मीदवार को चुनकर देना चाहिए’ असे वादग्रस्त वाक्य टाकले. हा व्हिडीओ व्हॉट्स ॲप ग्रुपवर तौफिक कुरैशी नावाच्या व्यक्तीने टाकला. हा व्हिडीओ व्हायरल करून समाजात बदनामी व्हावी या उद्देशाने हे कृत्य केले, असे तक्रारीत म्हटले आहे. मतदानावर परिणाम व्हावा या उद्देशाने हा अश्लील व्हिडीओ व्हायरल करून जनतेत गैरसमज परसवून बदनामी केल्याचे तक्रारीत म्हटले आहे. अधिक तपास पोलीस निरीक्षक भारत पाचोळे करत आहेत.
.jpg)
.jpg)
.jpg)
.jpg)
