Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : जिल्हा परिषद अध्यक्षपदासाठी १८ मार्चला निवडणूक होणार आहे. तत्पूर्वी ९ पंचायत समिती सभापती, उपसभापतिपदाची निवडणूक १० मार्चला होणार आहे. भाजप कुणाच्या नावावर शिक्कोमोर्तब करणार, याची चर्चा सुरू झाली आहे. सध्या अविनाश गलांडे (महालगाव), पुष्पाबाई काळे (आमखेडा), गोपाल वाघ (वडोदबाजार), डॉ. संजय गव्हाणे (देवगाव रंगारी) यांच्या नावाची चर्चा सुरू आहे.
जिल्हा परिषदेत एकूण ६३ सदस्य असून, यात भाजपचे सर्वाधिक एका पुरस्कृतसह २४ , त्या खालोखाल शिंदे गटाचे एका पुरस्कृतसह २२ , ठाकरे गटाचे ९, अजित पवार गटाचे ४, शरद पवार गटाचा १, काँग्रेस १, प्रहार १ आणि अपक्ष १ असे संख्याबळ आहे. त्यातच नागदच्या गटाच्या सदस्या तृप्ती राजपूत यांनीही भाजपमध्ये प्रवेश केल्याने भाजपची सदस्यसंख्या २५ वर गेली आहे. अध्यक्षपद साहाजिकच भाजपला मिळणार असून, बहुमतासाठी त्यांना शिंदे गटाला सोबत घेणे क्रमप्राप्त आहे. अशा स्थितीत शिंदे गटाला उपाध्यक्षपद हवे असणार आहे, हे निश्चितच आहे. यासह इतर पदांच्या वाटाघाटीसाठी महायुतीची प्राथमिक बैठक होईल. त्यानंतर नावे समोर येतील. १८ मार्चला दुपारी दोन वाजता जिल्हाधिकारी कार्यालयातील जिल्हा नियोजन समितीच्या सभागृहात विशेष सर्वसाधारण सभा होईल. या सभेत सर्व सदस्य मतदानाद्वारे नवीन अध्यक्षांची निवड करतील.
.jpg)
.jpg)
.jpg)
.jpg)
