Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
पैठण (मेट्रोपोलिस पोस्ट वृत्तसेवा) : केकत जळगाव (ता. पैठण) येथून दोन दिवसांपासून बेपत्ता असलेल्या युवा शेतकऱ्याने गळफास घेऊन आत्महत्या केल्याचे समोर आले आहे. ही घटना मंगळवारी (३ मार्च) सकाळी पाचोडजवळील मुरमा शिवारात समोर आली.
दत्तात्रय मधुकर सोहळे (वय ३६, रा. केकत जळगाव) असे आत्महत्या केलेल्याचे नाव आहे. त्यांनी लिंबाच्या झाडाला ठिबक सिंचनच्या नळीने गळफास घेतला. अतिवृष्टीमुळे पिकांचे झालेले नुकसान आणि कर्जबाजारीपणा यामुळे ते नैराश्यात होते, असे सांगण्यात आले. त्यांनी २०१८ -१९ मध्ये एचडीएफसी बँकेकडून सुमारे ४ लाख ८० हजार रुपयांचे पीक कर्ज घेतले होते.
मंगळवारी सकाळी काही शेतकऱ्यांनी फासावर लटकलेला मृतदेह पाहून पोलीस पाटील विश्वनाथ मगरे आणि पाचोड पोलिसांना कळवले. सहायक पोलीस निरीक्षक सचिन पंडित आणि पोलीस उपनिरीक्षक गोविंद राऊत यांनी घटनास्थळी धाव घेऊन पंचनामा केला. याप्रकरणी पाचोड ठाण्यात अकस्मात मृत्यूची नोंद करण्यात आली आहे. दत्तात्रय सोहळे यांच्या पश्चात पत्नी, दोन लहान मुले असा परिवार आहे.
.jpg)
.jpg)
.jpg)
