कटकट गेट भागात ड्रग्‍ज तस्कराच्या घरावर छापा! एमडी डग्जसह गावठी कट्टा, भुताचा मुखवटा, चामडी हंटर, कवड्या, कवट्यांची माळ अन्‌ बरंच काही धक्कादायक आढळलं!

By City News Desk

On 08 Sep 2025

कटकट गेट भागात ड्रग्‍ज तस्कराच्या घरावर छापा! एमडी डग्जसह गावठी कट्टा, भुताचा मुखवटा, चामडी हंटर, कवड्या, कवट्यांची माळ अन्‌ बरंच काही धक्कादायक आढळलं!

छत्रपती संभाजीनगर (सीएससीएन वृत्तसेवा) : ड्रग्‍ज तस्कराच्या घरावर अंमलीपदार्थ विरोधी पथकाने छापा मारल्यानंतर एमडी ड्रग्‍ज साठ्यासह अनेक चक्रावणाऱ्या गोष्टी मिळून आल्या. जिन्सी पोलीस ठाण्यात त्‍याच्याविरुद्ध गुन्हा दाखल केला आहे. शेख नियाज शेख नजीर ऊर्फ सिकंदर (वय ३५, रा. मुजीब कॉलनी, गल्ली नं. २, कटकट गेट) असे या ड्रग्‍ज तस्कराचे नाव आहे.

अंमलीपदार्थ विरोधी पथकाच्या प्रमुख पोलीस निरीक्षक गीता बागवडे यांना गोपनीय माहिती मिळाली होती, की सिकंदरने ड्रग्‍ज विकण्यास आणले आहेत. त्‍यांनी लगेचच पोलीस उपनिरीक्षक अमोल म्हस्के, पोलीस अंमलदार संदीप धर्मे, महेश उगले, सतीश जाधव, विजय त्रिभुवन, नितेश सुंदर्डे, छाया लांडगे, फॉरेन्सिक तज्‍ज्ञ प्रीती क्षीरसागर, महेश बळी, प्रसाद देशमुख यांना सोबत घेऊन सिकंदरच्या घरावर छापा मारला.

छाप्‍यात मिळाल्या चक्रावणाऱ्या गोष्टी...
-दोन पिशव्यांत १२ ग्रॅमपेक्षा अधिक किमतीचे एमडी ड्रग्ज
-कपाटातील पिशवीत मॅगझिन नसलेला गावठी कट्टा
-२० ग्रॅमपेक्षा अधिक वजनाची संशयित पावडर
-काळी जादू करण्यासाठी जनावरांची दोन हाडे, एक कासवाचे वरचे आवरण असलेले हाड, एक काळ्या कापडी भुताचा मुखवटा, चामडी हंटर, बारीक कवड्या, १०९ कवट्यांची माळ, मध्यम कवटीच्या ५५ कवट्या असलेली माळ आणि ३३ मोठ्या कवट्यांची एक माळ
-लाल रंगाच्या कापडात चंदेरी रंगाच्या धातूची ८४ आणि सोनेरी रंगाची ७९ नाणी सापडली. धातूचे कासव, काळ्या रंगाचे दगडगोटे, कुंकू, हळद.

सिकंदरविरुद्ध २०१७ मध्ये राजाबाजारमध्ये उसळलेल्या दंगलीचाही गुन्हा दाखल आहे. ड्रग्‍ज विक्री आणि जादूटोण्याच्या गुन्ह्यात आता तो लिप्त आढळल्याने पोलीस कसून चौकशी करत असून, तस्करीचे धागेदोरे परराज्‍यापर्यंत असल्याची प्राथमिक माहिती समोर आली आहे.

आणखी महत्त्वाच्या बातम्या

छ. संभाजीनगरात मंत्र्यांचा प्रोटोकॉल, नागरिकांचे हाल!; बंदोबस्तातील पोलीस अधिकाऱ्यांकडून महिला वकिलासोबत गैरवर्तन!!

By City News Desk

छ. संभाजीनगरात शिंदे गटाचा मेळावा : मनपा निवडणूक महायुती करूनच लढणार : पक्षात जे येतील त्यांना घेऊ, त्‍याने पक्ष मोठा होतो : उपमुख्यमंत्री एकनाथ शिंदे; मेळाव्यानंतर रेटारेटीत काच फुटली!

By City News Desk

मोठी बातमी : हर्सूल जेलमध्ये ५ कैद्यांचा राडा!; तुरुंगाधिकाऱ्यांना मारहाण, इतके आक्रमक झाले की कर्मचाऱ्यांनाही ऐकत नव्हते..., नक्की काय अन्‌ कशामुळे घडलं जाणून घ्या...

By City News Desk