Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : गेल्या काही दिवसांत छत्रपती संभाजीनगरचे वरिष्ठ अधिकारी सायबर भामट्यांच्या निशाण्यावर आले आहेत. जिल्हाधिकारी दिलीप स्वामी यांच्या नावाने फेक फेसबुक खाते उघडल्याचा प्रकार यापूर्वी समोर आला होता. आता महापालिका आयुक्त जी. श्रीकांत यांच्या नावाने फेसबुकवर बनावट खाते उघडण्यात आल्याचे समोर आले. या खात्याद्वारे शहरातील अनेक प्रतिष्ठित नागरिक व राजकीय नेत्यांना पैशांची मागणी करणारे मेसेज गेले. जी. श्रीकांत यांनी सायबर पोलीस ठाण्यात तक्रार केली आहे.
रविवारी (९ नोव्हेंबर) दिवसभर फेक अकाऊंटद्वारे सायबर भामट्याने मेसेज केले. सुदैवाने कोणीही फसले नाही. मेसेजमध्ये भामट्याने २० ते २५ हजार रुपयांची मागणी केली. अनेकांनी थेट जी. श्रीकांत यांना हा प्रकार सांगितल्यानंतर ही बाब समोर आली. कुणीही माझ्या नावाने पैशांची मागणी करत असेल तर पैसे देऊ नये. या सायबर चोरट्यापासून सावधान राहण्याचे आवाहन जी. श्रीकांत यांनी केले आहे. केवळ माझ्याच नव्हे तर राज्यातील अनेक अधिकाऱ्यांच्या नावे असे प्रकार घडत आहेत. त्यामुळे कोणीही फसू नये, असेही ते म्हणाले.
.jpg)
.jpg)
.jpg)
.jpg)
.jpg)
