पतीपासून विभक्‍त राहणाऱ्या युवतीवर प्रेमजाळे, २ वर्षे संबंध, तिने बोलणे सोडल्यावर ब्‍लॅकमेल!

By City News Desk

On 25 Jul 2025

पतीपासून विभक्‍त राहणाऱ्या युवतीवर प्रेमजाळे, २ वर्षे संबंध, तिने बोलणे सोडल्यावर ब्‍लॅकमेल!

छत्रपती संभाजीनगर (सीएससीएन वृत्तसेवा) : पतीपासून विभक्त राहणाऱ्या ३३ वर्षीय विवाहित युवतीसोबत मदतीचे आमिष दाखवत प्रेमसंबंध निर्माण केले. २ वर्षे घरी येणेजाणे सुरू केल्यानंतर शरीरसंबंध प्रस्थापित करत राहिला. नंतर त्‍यांच्यात वाद होऊन तिने बोलणे सोडल्यावर मुलाला मारण्याची धमकी देत तो अत्याचार करत होता. अखैर वैतागून महिलेने सिडको एमआयडीसी पोलीस ठाण्यात तक्रार दिली. पोलिसांनी संशयित स्वप्निल शरद पायगुडे (रा. एन १, सिडको) याच्याविरुद्ध गुन्हा दाखल केला आहे.

युवतीने तक्रारीत म्‍हटले आहे, की ती २०१९ पासून पतीपासून वेगळी शहरात राहते. तिला दोन मुले आहेत. ठाकरेनगरमध्ये राहत असताना तिची दोन वर्षांपूर्वी स्वप्निलशी ओळख झाली. ओळखीतून मैत्री झाली. मैत्रीतून प्रेमसंबंध निर्माण झाले. त्‍यांचे तिच्या घरी येणेजाणे सुरू झाले. मदतीचे आमिष दाखवून तो तिच्यासोबत संबंध प्रस्थापित करत होत. काही काळाने त्यांच्यात वाद झाले. त्‍यामुळे युवतीने त्‍याच्याशी बोलणे बंद केले. त्‍यामुळे स्वप्निल तिला धमक्या देऊ लागला, ब्लॅकमेल करू लागला. मुलाला मारण्याची धमकी देत तो लैंगिक अत्याचार करत होता. २० जुलैला सायंकाळी तो तिच्या कामाच्या ठिकाणी आला आणि शिवीगाळ केली. अखेर त्याच्या त्रासाला कंटाळून तिने सिडको एमआयडीसी पोलीस ठाणे गाठले. अधिक तपास केला जात आहे.