सिडको बसस्थानकात लालपरी झुलत झुलत आली… ‘पिऊन’ प्रवाशांना आणल्याने गुन्हा दाखल!

By City News Desk

On 31 May 2025

छत्रपती संभाजीनगर (सीएससीएन वृत्तसेवा) : सिडको बसस्थानकात दाखल झालेल्या एसटी बसचालकाने दारू प्राशन केलेली असल्याचा धक्कादायक प्रकार समोर आला आहे. ही बस वर्धा डेपोची आहे. चालकाविरुद्ध सिडको एमआयडीसी पोलिसांनी गुन्हा दाखल केला आहे. हा प्रकार गुरुवारी (२९ मे) दुपारी दोनच्या सुमारास घडला. ओमकार श्रावण धोंगडी (वय ४३, ह.मु. बोरगाव मेगे, जि. वर्धा) असे या चालकाचे […]

छत्रपती संभाजीनगर (सीएससीएन वृत्तसेवा) : सिडको बसस्थानकात दाखल झालेल्या एसटी बसचालकाने दारू प्राशन केलेली असल्याचा धक्कादायक प्रकार समोर आला आहे. ही बस वर्धा डेपोची आहे. चालकाविरुद्ध सिडको एमआयडीसी पोलिसांनी गुन्हा दाखल केला आहे. हा प्रकार गुरुवारी (२९ मे) दुपारी दोनच्या सुमारास घडला.

ओमकार श्रावण धोंगडी (वय ४३, ह.मु. बोरगाव मेगे, जि. वर्धा) असे या चालकाचे नाव आहे. तो वर्ध्याहून एसटी बस (क्र. एमएच १४ बीटी ४४०७) सिडको बसस्थानकात घेऊन आला. नियंत्रण कक्षात येताच सिडको आगाराच्या वाहतूक निरीक्षक मंजूषा माने यांना उग्र वास आला. त्यांनी लगेचच सिडको एमआयडीसी पोलिसांना कळवले. पोलिसांनी त्याला घाटी रुग्णालयात तपासणीसाठी नेले. त्यात त्याने मद्यपान केल्याचे समोर आले. प्रवाशांना सुखरूप घेऊन जाण्याची जबाबदारी असताना त्याने दारू पिलेली आढळल्याने गुन्हा दाखल करण्यात आला.