पैठण (सीएससीएन वृत्तसेवा) : पैठण रोड ६० मीटर रूंद करण्यासाठी महापालिका आणि पोलिसांनी संयुक्‍त कारवाई करत सोमवारी (३० जून) सकाळी ११ ते सायंकाळी साडेपाचपर्यंत ४७७ अतिक्रमणे जमीनदोस्त केली. कारवाईत महापालिकेचे ३००, पोलिसांचे २०० अधिकारी-कर्मचारी सहभागी झाले होते. आज, १ जुलैला पैठणकडे जाताना उजव्या बाजूची अतिक्रमणे हटविण्यात येणार आहेत. जालना रोडने मोकळा श्वास घेतल्यानंतर आता पैठण […]
पैठण (सीएससीएन वृत्तसेवा) : पैठण रोड ६० मीटर रूंद करण्यासाठी महापालिका आणि पोलिसांनी संयुक्‍त कारवाई करत सोमवारी (३० जून) सकाळी ११ ते सायंकाळी साडेपाचपर्यंत ४७७ अतिक्रमणे जमीनदोस्त केली. कारवाईत महापालिकेचे ३००, पोलिसांचे २०० अधिकारी-कर्मचारी सहभागी झाले होते. आज, १ जुलैला पैठणकडे जाताना उजव्या बाजूची अतिक्रमणे हटविण्यात येणार आहेत.
जालना रोडने मोकळा श्वास घेतल्यानंतर आता पैठण रोडकडे महापालिकेने मोर्चा वळवला आहे. पाच पथके प्रत्‍येक पाचशे मीटर अंतरावर तैनात करून कारवाईला सुरुवात केली. पहिला हातोडा माजी महापौर नंदकुमार घोडेले यांच्या हॉटेलवर पडला. हॉटेलच्या दर्शनी भागावर जेसीबी चालला. महानुभाव आश्रमाने स्वतःहून बांधकाम काढून घेण्यास सुरुवात केली. बांधकाम परवानगी असलेल्या उद्योजकांना १५ ऑगस्टची मुदत देण्यात आली. कांचनवाडी व नक्षत्रवाडीत सर्वाधिक अतिक्रमणे होती, ती बुलडोझरने उद्‌ध्वस्त करण्यात आली. यात लॉज, दुकाने, शेड, कंपाऊंड, ओटे, गॅरेज, वॉशिंग सेंटर, मेडिकल स्टोअर, डेली नीड्‌स, जाहिरात फलके काढण्यात आली. काही घरांवरही बुलडोझर चालला. त्‍यामुळे नागरिकांनी आक्रोश केला. महिलांची रडारड, संसारोपयोगी साहित्‍य हलविण्यासाठी पळावळ काळीज भेदत होते. १० जेसीबी, ४ पोकलेन, १५ टिप्पर, २ रुग्णवाहिका, २ कोंडवाडा वाहने, २ अग्‍निशमन बंब, ४ इलेक्‍ट्रिक हायड्रॉलिक वाहनांचा कारवाईत समावेश होता.
.jpg)
.jpg)
.jpg)
.jpg)
.jpg)
.jpg)
.jpg)
.jpg)
