धूत कॉम्पेक कंपनीत सुपरवायझरची गळफास घेऊन आत्महत्या, छत्रपती संभाजीनगरची घटना, चिठ्ठीत दडलंय काय?

By City News Desk

On 18 Aug 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : छत्रपती संभाजीनगर ते पैठण रोडवरील फारोळाजवळील धूत कॉम्पेक कंपनीत सुपरवायझरने गळफास घेऊन आत्महत्या केली. ही घटना शनिवारी (१७ ऑगस्ट) पहाटे पाचच्या सुमारास घडली. देविदास गणपतराव किडे (वय ५४, रा. मानसपुरी, जि. नांदेड, ह मु. अयोध्यानगर, सिडको, छत्रपती संभाजीनगर) असे आत्‍महत्‍या केलेल्याचे नाव आहे. देविदास किडे यांची शुक्रवारी रात्रपाळी होती. क्वालिटी […]

छत्रपती संभाजीनगर (सीएससीएन वृत्तसेवा) : छत्रपती संभाजीनगर ते पैठण रोडवरील फारोळाजवळील धूत कॉम्पेक कंपनीत सुपरवायझरने गळफास घेऊन आत्महत्या केली. ही घटना शनिवारी (१७ ऑगस्ट) पहाटे पाचच्या सुमारास घडली. देविदास गणपतराव किडे (वय ५४, रा. मानसपुरी, जि. नांदेड, ह मु. अयोध्यानगर, सिडको, छत्रपती संभाजीनगर) असे आत्‍महत्‍या केलेल्याचे नाव आहे.

देविदास किडे यांची शुक्रवारी रात्रपाळी होती. क्वालिटी कंट्रोलचे कर्मचारी शनिवारी पहाटे किडे यांची सही घेण्यासाठी गेले असता ते गळफास घेतलेल्या अवस्थेत दिसले. घटनेची माहिती मिळताच बिडकीन पोलिसांनी घटनास्थळी धाव घेऊन किडे यांना बिडकीन ग्रामीण रुग्णालयात दाखल केले. वैद्यकीय अधिकारी डॉ. प्रणिता मात्रे यांनी तपासून किडे यांना मृत घोषित केले. पंचनामा करत असताना किडे यांच्या खिशात चिठ्ठी मिळून आली. मात्र या चिठ्ठीबाबत पोलिसांनी गुप्तता पाळली आहे. बिडकीन पोलिसांनी घटनेची नोंद घेऊन तपास सुरू केला आहे. या चिठ्ठीत दडलंय काय, याबद्दल उत्‍सुकता निर्माण झाली आहे. कदाचित त्‍यातच किडे यांनी आत्‍महत्‍या करण्याचे कारणही लिहिलेले असू शकते, अशी चर्चा घटनास्‍थळी होती.