आयुष्यभर सांभाळतो म्हणे, २ वर्षे शारीरिक संबंध ठेवून आता पलटला…; महिलेची पोलिसांत धाव!, छत्रपती संभाजीनगरची धक्कादायक घटना

On
"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : आयुष्यभर सांभाळण्याचे, लग्नाचे आमिष दाखवून त्‍याने दोन वर्षे तिच्यासोबत पत्‍नीसारखे शारीरिक संबंध ठेवले. मात्र मन भरल्याने आता तो पलटला. त्‍यामुळे महिलेने सिडको एमआयडीसी पोलीस ठाण्यात धाव घेऊन तक्रार दिली आहे. पोलिसांनी संशयित युवकाविरुद्ध गुन्हा दाखल केला आहे. ही घटना चिकलठाण्यातील चौधरी कॉलनीत आज, ७ सप्‍टेंबरला समोर आली आहे. अमरजीत धर्मराज […]

छत्रपती संभाजीनगर (सीएससीएन वृत्तसेवा) : आयुष्यभर सांभाळण्याचे, लग्नाचे आमिष दाखवून त्‍याने दोन वर्षे तिच्यासोबत पत्‍नीसारखे शारीरिक संबंध ठेवले. मात्र मन भरल्याने आता तो पलटला. त्‍यामुळे महिलेने सिडको एमआयडीसी पोलीस ठाण्यात धाव घेऊन तक्रार दिली आहे. पोलिसांनी संशयित युवकाविरुद्ध गुन्हा दाखल केला आहे. ही घटना चिकलठाण्यातील चौधरी कॉलनीत आज, ७ सप्‍टेंबरला समोर आली आहे.

अमरजीत धर्मराज मुजमुले (रा. जय भवानीनगर) असे संशयिताचे नाव आहे. महिलेच्या बलात्‍काराचे सत्र २०२२ ते ३१ ऑगस्ट २०२४ दरम्‍यान घडले. लग्न व आयुष्यभर सांभाळण्याचे आमिष अमरजीतने दाखवले होते. त्‍यातून जवळीक साधून त्‍याने चौधरी कॉलनी व मुकुंदवाडी परिसरातील महालक्ष्मी चौक परिसरात तिच्यासोबत शारीरिक संबंध ठेवले. मात्र सध्या त्याने तिला टाळायला सुरुवात केली होती. तिने याबाबत विचारले असता त्‍याने भांडायला सुरुवात केली. अमरजीतने फसवणूक केल्याचे तिच्या लक्षात आले. त्‍यानंतर तिने सिडको एमआयडीसी पोलीस ठाणे गाठून तक्रार दिली. अधिक तपास सिडको एमआयडीसी पोलीस करत आहेत.

डोक्‍यात शिरली आशिकी…तिच्या घरी जाऊन राडा…
वाळूज एमआयडीसीतील ३९ वर्षीय महिलेने पवन खंदारे (वय २७, रा. रांजणगाव शेणपुंजी) यांच्याविरुद्ध छेडछाडीची तक्रार केली आहे. ती कुटुंबासह वाळूजला राहते. तिचे पती एका कंपनीत काम करतात. दोन महिन्यांपासून पवन तिचा पाठलाग करत आहे. गुरुवारी (५ सप्‍टेंबर) सकाळी ११ वाजता ती घरी दोन मैत्रिणींसोबत गप्पा मारत असताना पवन आला. महिलेचा हात धरून मी तुझ्यावर प्रेम करतो, जर तू माझी झाली नाही तर मी तुझ्या घरी येऊन मरतो, अशी धमकी दिली. यावेळी त्‍याने तिच्यासोबत अश्लील कृत्‍य करत शिवीगाळ करून चापटाने मारहाण केली. तू माझ्यासोबत आली नाही तर तुला जीवे मारून टाकीन, तुझ्यावर ॲट्राॅसिटीचा गुन्हा दाखल करतो, अशा धमक्या देत घरातील साहित्याची नासधूसही केल्याचे तक्रारीत म्‍हटले आहे. वाळूज एमआयडीसी पोलिसांनी पवनविरुद्ध गुन्हा दाखल करून तपास सुरू केला आहे.

पाठलाग करून तरुणीला धमकावले…
प्रेमाला नकार देणाऱ्या महाविद्यालयीन तरुणीचा पाठलाग करून धमकावण्यात आल्याचा प्रकार छत्रपती संभाजीनगरात समोर आला आहे. दयानंद अशोक शेलार (रा. सिडको वाळूज महानगर) असे संशयिताचे नाव आहे. त्‍याच्याविरुद्ध क्रांतीचौक पोलिसांनी गुन्हा दाखल केला आहे. गुरुवारी (५ सप्टेंबर) सकाळी ९ वाजता वाळूजवरून शहरात महाविद्यालयात येण्यासाठी बसने तरुणी निघाली होती. दयानंदने मित्रासह तिचा दुचाकीने पाठलाग केला. ती औरंगपुऱ्यात आल्यावर रस्त्यात अडवून छेड काढली. माझ्यासोबत न बोलल्यास इतरांकडून पाठलाग सुरू करेल, अशी धमकीही त्‍याने दिली. तरुणीने क्रांती चौक पोलीस ठाण्यात तक्रार दिली.

आणखी महत्त्वाच्या बातम्या

विद्यापीठात केमिकल टेक्नॉलॉजी विभागात स्पॉट अ‍ॅडमिशन फेरी

Latest News

विद्यापीठात केमिकल टेक्नॉलॉजी विभागात स्पॉट अ‍ॅडमिशन फेरी विद्यापीठात केमिकल टेक्नॉलॉजी विभागात स्पॉट अ‍ॅडमिशन फेरी
छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : डॉ. बाबासाहेब आंबेडकर मराठवाडा विद्यापीठातील केमिकल टेक्नॉलॉजी विभागात एम. फार्मसी अभ्यासक्रमांच्या रिक्त जागांसाठी...
आयआरसीटीसीच्या कन्फर्म तिकिटात नाव बदलायचे कसे?
सकाळ होईपर्यंत झोप येत नाही, कूस बदलत राहता? आयुर्वेदिक डॉक्टरांनी सांगितलं, देसी टॉनिक, येईल सुखाची झोप!
Beauty Feature : फिल्टरसारखा लूक तेही मेकअपमधून!; जाणून घ्या ब्लरिंग मेकअप, लग्नाच्या सिझनमध्ये खूप येईल कामी!!
नशेखोराचा कहर : आधी लिफ्ट मागितली, नंतर रस्‍त्‍यात गाडी थांबवून दारू पिण्यासाठी पैसे मागत १८ वर्षीय तरुणाला बेदम मारहाण, मनपा आयुक्‍तांच्या निवासस्थानाजवळील घटना
Copyright (c) Chhatrapati Sambhaji Nagar City News All Rights Reserved.
Powered By Vedanta Software