करमाड, ता. छत्रपती संभाजीनगर (सीएससीएन वृत्तसेवा) : करमाडच्या उच्चतम कृषी उत्पन्न बाजार समितीच्या उपबाजार पेठेत टोमॅटो खरेदी- विक्रीचा शुभारंभ शनिवारी (२६ जुलै) झाला आहे. पहिल्याच दिवशी टोमॅटोची १७०० क्रेटची आवक झाल्याचे बाजार समिती सूत्रांनी सांगितले.
किनगाव वाडी (ता. अंबड) येथील गोवर्धन बारवाल या शेतकऱ्याने १०२ क्रेट टोमॅटो विक्रीसाठी आणले होते. सभापती राधाकिसन पठाडे यांनी स्वतः हर्राशीत भाव पुकारला. बारवाल यांना ४६ रुपये ५० पैसे प्रति किलोप्रमाणे भाव मिळाला. विशेष म्हणजे, राज्यात सर्वत्र सर्वत्र क्रेटप्रमाणे टोमॅटोची हर्रासी होते, मात्र केवळ करमाडमध्ये प्रतिकिलोप्रमाणे लिलाव होतो. टोमॅटो घेऊन आलेल्या शेतकऱ्यांचा सभापती राधाकिसन पठाडे, श्रीराम शेळके, गणेश दहिहंडे, मनोज गायके, भागचंद ठोंबरे, कैलास उकर्डे, सुदाम ठोंबरे यांनी सत्कार केला.आणखी महत्त्वाच्या बातम्या
Latest News
02 Aug 2025 12:52:53
छत्रपती संभाजीनगर (सीएससीएन वृत्तसेवा) : सध्या देशात डिजिटल अरेस्ट हे सायबर भामट्यांचे कुटील कारस्थान चर्चेत आहे. छत्रपती संभाजीनगरातही अनेकांना या...
