भाजपच्या स्थानिक नेतृत्त्वावर पुन्हा मंत्री शिरसाटांचे तोंडसुख, म्हणाले कार्यकर्त्यांपासून पळ काढणे चुकीचे!; आता युतीचा प्रयत्न म्हणजे ‘डोकेफोडी'चे काम!!

By City News Desk

On 01 Jan 2026

भाजपच्या स्थानिक नेतृत्त्वावर पुन्हा मंत्री शिरसाटांचे तोंडसुख, म्हणाले कार्यकर्त्यांपासून पळ काढणे चुकीचे!; आता युतीचा प्रयत्न म्हणजे ‘डोकेफोडी'चे काम!!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : भाजपच्या स्थानिक नेतृत्त्वावर स्वपक्षातून अनेक प्रश्न उठत असताना, आता शिंदे गटाचे मंत्री संजय शिरसाट यांनीही मंत्री अतुल सावे आणि खा. भागवत कराड यांच्यावर तोंडसुख घेतले. उमेदवारी न मिळालेल्या आक्रमक कार्यकर्त्यांना सामोरे जाण्याऐवजी सावे, कराडांनी पळ काढावा लागला. त्याबद्दल ते म्हणाले, की नेत्यांनी कार्यकर्त्यांना सामोरे गेले पाहिजे. तुम्ही त्यांच्यापासून पळ काढत असाल, तर तुमचीच चूक आहे, असा टोला त्यांनी लगावला.

ज्या कार्यकर्त्यांनी रात्रंदिवस पक्षाचे झेंडे घेऊन काम केले. त्यांना तुम्ही डावलू शकत नाही. तो उमेदवारी मागत असेल तर गैर काय? कार्यकर्त्यांच्या भावना समजून घेणे स्थानिक नेतृत्वाची जबाबदारी असल्याचे मंत्री शिरसाट म्हणाले. युती तुटण्यास भाजपचे स्थानिक नेतृत्व (सावे, कराड) जबाबदार असल्याचे सांगून ते म्हणाले, त्यांनी मुद्दाम खोड मारली आणि मुख्यमंत्र्यांचेही ऐकले नाही. छत्रपती संभाजीनगरमध्ये आता युती होणे शक्य नसल्याचे शिरसाट म्हणाले. आता प्रयत्न करणे म्हणजे ‘डोकेफोडी'चे काम आहे, असे सांगून त्यांनी पुन्हा युतीची शक्यता फेटाळून लावली.