विसर्जन मिरवणुकीच्या उद्‌घाटनालाच ठाकरे गट शहरप्रमुख-भाजप माजी नगरसेवकात धक्काबुक्की

By City News Desk

On 18 Sep 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : आविष्कार कॉलनी चौकात सिडको-हडको सर्वपक्षीय गणेश महासंघाच्या गणेश विसर्जन मिरवणुकीच्या उद्‌घाटन सोहळ्याला गालबोट लागले. महासंघाचे पदाधिकारी उशिरा आल्याचा उल्लेख माईकमध्ये ठाकरे गटाचे शहरप्रमुख विश्वनाथ स्वामी यांनी केल्याने विश्वनाथ स्वामी, राजू खरे यांचा भाजपचे माजी नगरसेवक शिवाजी दांडगे यांच्याशी वाद होऊन धक्काबुक्की झाली. पोलिसांनी त्यांना आवरले. मंत्री अतुल सावे यांनीही मध्यस्थी […]

छत्रपती संभाजीनगर (सीएससीएन वृत्तसेवा) : आविष्कार कॉलनी चौकात सिडको-हडको सर्वपक्षीय गणेश महासंघाच्या गणेश विसर्जन मिरवणुकीच्या उद्‌घाटन सोहळ्याला गालबोट लागले. महासंघाचे पदाधिकारी उशिरा आल्याचा उल्लेख माईकमध्ये ठाकरे गटाचे शहरप्रमुख विश्वनाथ स्वामी यांनी केल्याने विश्वनाथ स्वामी, राजू खरे यांचा भाजपचे माजी नगरसेवक शिवाजी दांडगे यांच्याशी वाद होऊन धक्काबुक्की झाली.

पोलिसांनी त्यांना आवरले. मंत्री अतुल सावे यांनीही मध्यस्थी केली. या प्रकारानंतर सावे यांनी संताप व्यक्त करत परत जाण्याची भूमिका घेतली. मंगळवारी सायंकाळी पाचला हा प्रकार घडला. माईकमधून नाराजी व्यक्त करण्यावर शिवाजी दांडगे यांनी आक्षेप घेतल्याने वाद उफाळून धक्काबुक्कीचा प्रकार घडल्याचे प्रत्‍यक्षदर्शींनी सांगितले. मात्र वेळीच तो मिटविण्यातही आला.