https://www.instagram.com/reel/DVqQgyaDV0t/?utm_source=ig_web_copy_link&igsh=MzRlODBiNWFlZA==
छत्रपती संभाजीनगर (मेट्रोपोलिस पोस्ट वृत्तसेवा) : छत्रपती संभाजीनगरचा रिलस्टार अरुण तुपे (वय २५, रा. बालाजीनगर) मंगळवारी (१० मार्च) नेहमीप्रमाणे सकाळी ६ वाजता झोपेतून उठला. थोडा वेळ परत झोपतो, असे म्हणून परत झोपला तो उठलाच नाही. काही वेळाने आईने त्याला झोपेतून उठवण्याचा प्रयत्न केला. तो प्रतिसाद देत नसल्याने कुटुंबीयांनी तत्काळ क्लिनिकमध्ये नेले. खासगी डॉक्टरांनी त्याला तातडीने घाटी रुग्णालयात नेण्याचा सल्ला दिला. घाटीतील डॉक्टरांनी त्याला तपासून मृत घोषित केले. जवाहरनगर पोलिसांनी घटनास्थळ पंचनामा केला असून, सध्या आकस्मिक मृत्यूची नोंद केली आहे. या प्रकरणात शवविच्छेदन अहवालाचा अंतिम अहवाल आल्यानंतर त्याच्या मृत्यूचे नेमके कारण समोर येईल, असे स्पष्टीकरण पोलीस निरीक्षक सचिन कुंभार यांनी पत्रकारांशी बोलताना दिले. व्हिसेरा जतन करण्यात आल्याचे त्यांनी सांगितले. अरुणचे इन्स्टाग्रामवर २ लाख फॉलोअर्स आहेत. https://www.instagram.com/reel/DUhdT5fiAl9/?utm_source=ig_web_copy_link&igsh=MzRlODBiNWFlZA==
अरुणची आई शिवणकाम करते तर वडिलांचा साऊंडचा व्यवसाय आहे. युवा कंटेंट क्रिएटर अरुण तुपेच्या अचानक जाण्याने छत्रपती संभाजीनगर शहरावर शोककळा पसरली आहे. सतत प्रसिद्धीच्या झोतात असतानाही त्याचे पाय जमिनीवर होते. तो कष्टकरी कुटुंबातून स्वबळावर पुढे आलेला होता. कॉलनीतल्या ज्या मुलांना या क्षेत्राची आवड होती, त्यांना तो व्हिडीओ कसे बनवायचे, शूट कसे करायचे याचे धडे द्यायचा. मृत्यूच्या अवघ्या २४ तासांपूर्वी अरुणने शेवटचा व्हिडीओ पोस्ट केला होता. आकाशवाणी परिसरात एका व्हायरल गाण्यावर त्याने ही रील शूट केली होती. मंगळवारी सकाळी १० वाजता त्याचे अपूर्वा गायकवाडसोबत कॅफेचे प्रमोशनल शूट ठरले होते. सोमवारी रात्री ९:३० वा. सिनेमॅटोग्राफर धनंजय सोनार यांच्यासोबत त्याचे बोलणे झाले. शूटची वेळ १२ ऐवजी १० वाजता ठरली. सकाळी साडेदहा वाजता सोनार यांनी अरुणला फोन केला असता तो फोन त्याच्या मित्राने उचलला आणि निधनाची बातमी दिली.
.jpg)
.jpg)
