परवानगी दिली नाही तरी जरांगे पाटलांची शांतता रॅली निघणारच; सकल मराठा समाजाचा इशारा

By City News Desk

On 01 Jul 2024

परवानगी दिली नाही तरी जरांगे पाटलांची शांतता रॅली निघणारच; सकल मराठा समाजाचा इशारा

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : मराठा आरक्षणाच्या जागृतीसाठी नेते मनोज जरांगे पाटील मराठवाड्यात ६ जुलैपासून महाएल्गार शांतता रॅली काढणार आहेत. १३ जुलैला ही रॅली छत्रपती संभाजीनगर येथे पोहोचणार आहे. मनोज जरांगे पाटील दोन समाजात जातीय तेढ निर्माण करून दंगल घडवण्याचे काम करत आहेत. त्यामुळे त्यांच्या रॅलीला शहरात परवानगी देऊ नका, अशी मागणी ओबीसी नेते रामभाऊ […]

छत्रपती संभाजीनगर (सीएससीएन वृत्तसेवा) : मराठा आरक्षणाच्या जागृतीसाठी नेते मनोज जरांगे पाटील मराठवाड्यात ६ जुलैपासून महाएल्गार शांतता रॅली काढणार आहेत. १३ जुलैला ही रॅली छत्रपती संभाजीनगर येथे पोहोचणार आहे. मनोज जरांगे पाटील दोन समाजात जातीय तेढ निर्माण करून दंगल घडवण्याचे काम करत आहेत. त्यामुळे त्यांच्या रॅलीला शहरात परवानगी देऊ नका, अशी मागणी ओबीसी नेते रामभाऊ पेरकर यांनी केल्यानंतर सकल मराठा समाजाने परवानगी न मिळाल्यास आणखी मोठी रॅली काढू, असा इशारा दिला आहे.

रॅलीच्या परवानगीसाठी पोलिसांना सकल मराठा समाजाने पत्र दिले आहे. आम्ही रॅली तर काढू, पण जेवढा विरोध झाला तेवढा मराठा समाज एकत्र येत आहे. रॅलीही तेवढीच मोठी होईल. रॅलीसाठी पोलिसांना पत्र दिले असून परवानगी न मिळाल्यास आणखी मोठी रॅली काढू, असा इशारा सकल मराठा समाजाचे समन्वयक सुरेश वाकडे यांनी दिला आहे.

दरम्यान, रॅलीच्या तयारीसाठी जिल्हाभर जोरदार तयारी सुरू आहे. गाव, तांडा, वस्ती, वॉर्डात बैठका घेऊन रॅलीच्या दिवशी घरावर झेंडा भडकवा. अंगणात रांगोळी काढा, असे आवाहन सकल मराठा समाजाने केले आहे. रॅलीच्या नियोजनासाठी सर्व तालुक्‍यांत समन्वयक नेमण्यात आले आहेत. रॅलीच्या दिवशी सर्व कामे बाजूला ठेवून रॅलीत सहभागी व्हावे, असे आवाहन करण्यात आले आहे. यासंदर्भातील वृत्त एका प्रसिद्ध दैनिकाने आजच्या अंकात दिले आहे.