नाना नाही तर कोण? फुलंब्रीतील उमेदवार गुलदस्त्यात!; राज्‍यपाल हरिभाऊ बागडे म्‍हणाले…

By City News Desk

On 21 Aug 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : नाना नाही तर कोण, हा प्रश्न सध्या छत्रपती संभाजीनगर-फुलंब्रीतील भाजपा पदाधिकारी, कार्यकर्त्यांत सर्वाधिक चर्चेत ठरत असून, दिवसेंदिवस उत्‍सुकताही वाढत चालली आहे. अर्धा डझनवर इच्‍छुक आहेत. त्‍यामुळे नाना वारस म्‍हणून कोणाला निवडतात, याकडे सर्वांचे लक्ष लागले आहे. तुमच्या मनातला उमेदवार कोण, असे पत्रकारांनी राजस्थानचे राज्‍यपाल हरिभाऊ बागडे यांना विचारले असता ते […]

छत्रपती संभाजीनगर (सीएससीएन वृत्तसेवा) : नाना नाही तर कोण, हा प्रश्न सध्या छत्रपती संभाजीनगर-फुलंब्रीतील भाजपा पदाधिकारी, कार्यकर्त्यांत सर्वाधिक चर्चेत ठरत असून, दिवसेंदिवस उत्‍सुकताही वाढत चालली आहे. अर्धा डझनवर इच्‍छुक आहेत. त्‍यामुळे नाना वारस म्‍हणून कोणाला निवडतात, याकडे सर्वांचे लक्ष लागले आहे. तुमच्या मनातला उमेदवार कोण, असे पत्रकारांनी राजस्थानचे राज्‍यपाल हरिभाऊ बागडे यांना विचारले असता ते म्‍हणाले, की ते नाव जाहीर केल्याने त्याचे प्रतिस्पर्धी वाढतील. निवडून येण्याची क्षमता लक्षात घेऊन पक्षच उमेदवार ठरवणार आहे, असे ते म्‍हणाले.

जिल्हा दूध उत्पादक संघातर्फे हरिभाऊ बागडे यांचा जाहीर नागरी सत्कार मंगळवारी (२० ऑगस्ट) पाटीदार भवनात करण्यात आला. त्यावेळी पत्रकारांशी बोलताना हरिभाऊ बागडे यांनी फुलंब्रीत भाजपच जिंकण्याचा विश्वास व्यक्त केला. सध्या फुलंब्रीतून भाजपतर्फे लढण्यासाठी इच्‍छुकांची भाऊगर्दी झाली आहे. ते नानांच्या प्रत्येक कार्यक्रमात आवर्जून हजेरी लावत असून, त्‍यांच्यासोबत गाडीत बसण्यासाठीही त्‍यांची धडपड सुरू असते. वरुड येथील सत्कार सोहळ्यानंतर तर चक्‍क नानांना जे इच्छुक आहेत, त्यांनी माझ्या गाडीत बसू नये, असा दम भरावा लागला. शेवटी ते दामूअण्णा नवपुते यांना सोबत घेऊन निघून गेले होते. दरम्‍यान, पाटीदार भवनातील कार्यक्रमाला दूध संघाचे संचालक नंदू काळे, महानंदाचे उपाध्यक्ष डी. के. पाटील, माजी अध्यक्ष रणजीत देशमुख यांची प्रामुख्याने उपस्थिती होती. अश्विनी दाशरथे यांनी सूत्रसंचालन केले. प्रास्ताविक दिलीप निरफळ यांनी केले. आभार दूध संघाचे व्यवस्थापकीय संचालक पहाडिये यांनी मानले.