Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
वैजापूर (गणेश निंबाळकर : मेट्रोपोलिस पोस्ट वृत्तसेवा) : वैजापूर तालुक्यातील नगिना पिंपळगाव येथील समाधान जनार्धन गोरसे (वय २१) हा १२ डिसेंबरपासून घरातून बेपत्ता झाला होता. त्याचा मृतदेह आज, १६ डिसेंबरला सकाळी ११ च्या सुमारास घराजवळील विहिरीत आढळल्याने खळबळ उडाली आहे. त्याने आत्महत्या केली, की अपघाताने विहिरीत पडला हे अद्याप समोर आलेले नाही. वैजापूर पोलिसांनी आकस्मिक मृत्यूची नोंद करून तपास सुरू आहे.
समाधान पोलीस भरतीची तयारी करत होता. रोज पहाटे व्यायामासाठी जात होता. शुक्रवारी (१२ डिसेंबर) सकाळी ७ वाजले तरी तो परला नाही. नऊपर्यंतही तो न आल्याने कुटुंबीयांनी शोध सुरू केला. अखेर वैजापूर पोलिसांत हरवल्याची तक्रार दिली. पोलीस आणि नातेवाइक शोधत असतानाच आज सकाळी ११ ला समाधानचा मृतदेह विहिरीत तरंगताना आढळला. वैजापूर पोलिसांना कळवताच त्यांनी घटनास्थळी धाव घेऊन पंचनामा केला. दुपारी १ ला मृतदेह बाहेर काढण्यात आला. त्याच्यावर दुपारी चारला अंत्यसंस्कार करण्यात आले. अधिक तपास पोलीस अंमलदार श्री. झाडे करत आहेत.
.jpeg)
.jpg)
