छत्रपती संभाजीनगर (मेट्रोपोलिस पोस्ट वृत्तसेवा) : भारतात शिक्षणासाठी आल्यानंतर व्हिसाची मुदत संपून गेल्यावर चोरून देशात राहणाऱ्या येमेनच्या एका तरुणाला पोलिसांच्या दहशतवादविरोधी पथकाने ताब्यात घेतले आहे. एवढेच नव्हे तर विदेशी तरुणाला बेकायदेशीर आश्रय दिल्याप्रकरणी घरमालकावरही गुन्हा दाखल करण्यात आला आहे. या कारवाईने शहरात खळबळ उडाली आहे.
याबाबत पोलिसांनी दिलेली माहिती अशी की,
येमेनचा नागरिक असलेल्या
मोहम्मद अहेमद अली बिनशिखबुबकर (वय ३२) हा
डॉ. बाबासाहेब आंबेडकर मराठवाडा विद्यापीठात शिक्षणासाठी
प्रवेश घेऊ इच्छित होता.
अहमद ऑक्टोबर २०१४ मध्ये विद्यार्थी व्हिसावर भारतात आला होता
. त्याने बंगळुरू येथे नोंदणी करून व्हिसा मिळवून २०१७ पर्यंत तेथे मुक्काम केला नंतर
त्याच्या व्हिसाची वैधता संपल्यानंतर तो बंगळुरू सोडून या शहरातून त्या शहरात
दोन वर्षे ओळख लपवून राहिला.
काही वर्षांपूर्वी त्याने छत्रपती संभाजीनगर गाठले. येथे
शहरातील जयसिंगपुऱा भागात
२२०० रुपये देऊन किरायाने
खोली घेतली. तसेच या काळात तो
डॉ. बाबासाहेब आंबेडकर मराठवाडा विद्यापीठात प्रवेश घेण्यासाठी तो प्रयत्न करत
होता. तसेच
यापूर्वी शहरात आलेल्या येमेन व अन्य देशांच्या तरुणांच्या तो संपर्कात असल्याचे सूत्रांनी सांगितले. दहशतवाद विरोधी कक्षाला त्याच्याबाबत माहिती मिळताच पोलिस आयुक्त प्रवीण पवार,
उपायुक्त रत्नाकर नवले यांच्या सूचनेवरून त्याला पोलिसांच्या दहशतवादविरोधी कक्षाने १० फेब्रुवारीला ताब्यात घेतले. तसेच
त्याला भाड्याने घर देऊन पोलिसांना त्याची माहिती न दिल्याप्रकरणी
घरमालक शेख नासेर शेख अजगर अली (रा. जयसिंगपुरा) याच्यावरही
बेगमपुरा पोलिस ठाण्यात गुन्हा दाखल करण्यात आला. पो.नि. राजेश मयेकर यांच्या तक्रारीवरून गुन्हा दाखल करण्यात आला. उपनिरीक्षक मारोती मदेवाड तपास करत आहेत.
.jpg)
.jpg)
.jpg)
