क्रिती सेनॉनचा कथित बॉयफ्रेंड तिच्यापेक्षा ९ वर्षांनी लहान, ब्रिटनमध्ये उद्योगपती, आहे कोटींमध्ये संपत्ती

अभिनेत्री क्रिती सॅनॉन अलीकडेच एका व्हायरल फोटोमध्ये लंडनच्या रस्त्यांवर एका तरुणाचा हात धरून फिरताना दिसली. त्यामुळे त्यांच्या नात्याच्या अफवा पसरल्या. आता, या व्यक्तीबद्दल अधिक माहिती Reddit आणि इतर सोशल मीडिया प्लॅटफॉर्मवर शोधली जात आहे. क्रिती सेनन यूके स्थित करोडपती कबीर बहियाला डेट करत असल्याची माहिती हाती आली आहे.

कबीर अलीकडेच लंडनमधील होळीच्या कार्यक्रमात देखील दिसला होता, ज्यामध्ये क्रिती आणि तिची बहीण नुपूर सनन देखील उपस्थित होती. कबीर बहिया हा क्रिकेटपटू एमएस धोनी आणि हार्दिक पांड्या आणि त्यांच्या कुटुंबियांचा जवळचा मित्र आहे. त्याने एमएस धोनी आणि त्याची पत्नी साक्षी धोनी यांच्यासोबत अनेक कार्यक्रमांमधून फोटो शेअर केले आहेत आणि २०२३ मध्ये उदयपूरमध्ये हार्दिक पांड्या आणि नताशा स्टॅनकोविक यांच्या सोयरिकीलाही त्याने हजेरी लावली होती.

१९९९ मध्ये लंडनमधील एका श्रीमंत कुटुंबात जन्मलेल्या, २४ वर्षीय कबीरने २०१८ मध्ये इंग्लंडमधील सॉमरसेट येथील मिलफिल्ड या बोर्डिंग स्कूलमध्ये आपले शालेय शिक्षण पूर्ण केले. त्याचे वडील कुलजिंदर बहिया यूके स्थित साउथॉल ट्रॅव्हल ही ट्रॅव्हल एजन्सी चालवतात. २०१९ मध्ये प्रकाशित संडे टाइम्स रिच लिस्टनुसार, बाहिया कुटुंबाची एकूण संपत्ती ४२७ दशलक्ष रुपये म्हणजे अंदाजे ४२.७ कोटी रुपये होती. अर्थात क्रिती त्याच्यापेक्षा श्रीमंतच आहे. तिची एकूण संपत्ती ७४ कोटी रुपये आहे.

कृती सेनन आणि कबीर बहिया यांची भेट कशी झाली?
असे म्हटले जात आहे की क्रितीची बहीण नुपूर सेननने अक्षय कुमारसोबत फिलहाल आणि फिलहाल 2 : मोहब्बत या म्युझिक व्हिडिओमधून तिच्या करिअरची सुरुवात केली होती. त्यानेच तिच्या मोठ्या बहिणीची कबीरशी ओळख करून दिली होती. जरी क्रिती सेनॉन किंवा कबीर बहिया या दोघांनीही डेटिंगच्या अफवांना पुष्टी दिली नसली तरी, चर्चा अशी आहे की आगीशिवाय धूर नाही. ते नातेसंबंधात नक्कीच आहेत.

क्रिती सेनॉनचा चित्रपट क्रू
कबीर आणि क्रिती यांच्यात डेटिंगच्या अफवांचे सध्या पेव फुटले असले तरी दोघांनीही अद्याप त्यांच्या नात्याची पुष्टी केलेली नाही. दरम्यान, वर्क फ्रंटवर, क्रिती तिच्या नुकत्याच प्रदर्शित झालेल्या क्रू चित्रपटाच्या यशाचा आनंद घेत आहे. यात करीना कपूर खान आणि तब्बू यांच्याही भूमिका आहेत. या चित्रपटाने पहिल्या आठवड्यात जगभरात ६२.५३ कोटी रुपये आणि भारतात २९.५० कोटी रुपयांची कमाई केली आहे.