बाजारसावंगीत खळबळ : बेपत्ता शेतकऱ्याचा मृतदेह आढळला विहिरीत

On
Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

खुलताबाद (मेट्रोपोलिस पोस्ट वृत्तपत्राच्या सौजन्याने) : खुलताबाद तालुक्‍यातील बाजार सावंगी येथील ३६ वर्षीय विजय रामराव नलावडे हे राहत्‍या घरातून रविवारी (१४ सप्‍टेंबर) बेपत्ता झाले होते. खुलताबाद पोलीस शोध घेत असतानाच मंगळवारी (१६ सप्‍टेंबर) दुपारी त्‍यांचा मृतदेह गावाजवळील विहिरीत आढळला.

गावाजवळील विहिरीतून दुर्गंधी येत असल्याचे ग्रामस्थांच्या लक्षात आल्यानंतर त्यांनी विहिरीत पाहणी केली, तेव्हा विजय यांचा मृतदेह आढळला. गावकऱ्यांनी माहिती देताच पोलीस अंमलदार संजय सपकाळ, दिलीप बनसोड, संतोष पुंड यांनी घटनास्थळी धाव घेतली. ग्रामस्थांच्या मदतीने मृतदेह बाहेर काढला. नलावडे यांच्या पश्चात आई, पत्नी, एक मुलगा, एक मुलगी असा परिवार आहे. मंगळवारी सायंकाळी त्यांच्या पार्थिवावर अंत्यसंस्कार करण्यात आले.

 

आणखी महत्त्वाच्या बातम्या

समीर राजूरकर की अनिल मकरिये, कोण होणार छत्रपती संभाजीनगरचा महापौर?

Latest News

Copyright (c) Chhatrapati Sambhaji Nagar City News All Rights Reserved.
Powered By Vedanta Software