Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
गंगापूर (मेट्रोपोलिस पोस्ट वृत्तपत्राच्या सौजन्याने) : भरधाव ट्रॅक्टरने दुचाकीला उडवले. यात दिवाळीची खरेदी करून परतणाऱ्या पतीचा मृत्यू तर पत्नी गंभीर जखमी झाली आहे. ही दुर्घटना गंगापूर तालुक्यातील लासूरस्टेशनजवळील धामोरी फाट्यावर गुरुवारी (१६ ऑक्टोबर) दुपारी अडीच वाजता घडली. याच ट्रॅक्टरने समृद्धी महामार्गाच्या पुलाजवळ आणखी एका दुचाकीला उडवले. ते दोन दुचाकीस्वारही जखमी झाले आहेत.
विठ्ठलसिंह नरसिंह जारवाल (वय ४२, रा. वरझडी, ता. गंगापूर) असे अपघातात मृत्यू झालेल्याचे नाव असून, त्यांची पत्नी सौ. रंजना जारवाल गंभीर जखमी झाल्या आहेत. दुचाकीवरील टापरगाव येथील एकजण व महिला होती. तेही गंभीर जखमी झाले. त्यांची नावे वृत्त लिहीपर्यंत कळू शकली नाही. दिवाळीच्या खरेदीसाठी जारवाल दाम्पत्य लासूर स्टेशनला आले होते. खरेदी करून वरझडीला परतत होते.
धामोरी फाट्यावर त्यांच्या दुचाकीला ट्रॅक्टरने उडवले. त्याआधी ट्रॅक्टरने समृद्धी महामार्गाच्या पुलाजवळ टापरगाव येथील महिला, पुरुषाच्या दुचाकीला उडवले होते. शिल्लेगाव पोलिसांना कळताच त्यांनी धाव घेऊन चौघांनाही लासूर स्टेशन येथील खासगी रुग्णालयात आणले. मात्र उपचारादरम्यान विठ्ठलसिंग यांचा मृत्यू झाला, तर रंजना यांची प्रकृती गंभीर असल्याने त्यांना छत्रपती संभाजीनगर येथील घाटी रुग्णालयात हलविण्यात आले.
.jpg)
