पैठण (मेट्रोपोलिस पोस्ट वृत्तपत्राच्या सौजन्याने) : पैठण तालुक्यातील रजापूर येथे ठाकरे गटाचे पक्षप्रमुख उद्धव ठाकरे यांनी अतिवृष्टीने नुकसान झालेल्या पिकांची दिव्यांच्या प्रकाशात गुरुवारी (२५ सप्टेंबर) रात्री ८ वाजता पाहणी केली. शेतकरी संजय खाडे, गणपत काळे, प्रल्हाद काळे या शेतकऱ्यांना नुकसानीची माहिती देताना अश्रु अनावर झाले होते.
उद्धव ठाकरे म्हणाले, की राज्य सरकारने शेतकऱ्यांना सरसकट ५० हजार रुपये प्रती हेक्टर मदत द्यावी व दिवाळीपूर्वी कर्जमाफी करावी. अन्यथा शेतकऱ्यांसोबत मीच रस्त्यावर उतरेन, असा इशारा त्यांनी दिला. शेतकऱ्यांना आत्महत्या न करण्याचे आवाहनही त्यांनी केले. कर्जबाजारीपणामुळे आत्महत्या केलेल्या रजापूर येथील शेतकरी सोनू मोहन गोर्डे यांच्या कुटुंबीयांची उद्धव ठाकरे यांनी भेट घेतली.
त्यांच्यासोबत विधान परिषदेचे माजी विरोधी पक्षनेते अंबादास दानवे, खासदार संजय राऊत, माजी खासदार चंद्रकांत खैरे, उपजिल्हाप्रमुख दत्तात्रय गोर्डे, माजी सभापती सुनील शिंदे, शिवसेना उपनेते सचिन घायाळ, युवासेनेचे जिल्हाप्रमुख शुभम पिवळ, अप्पासाहेब गायकवाड, आनंद भालेकर, मनोज पेरे, रजापूरच्या सरपंच मनीषा ज्ञानेश्वर शिंदे, आसाराम गोर्डे आदी उपस्थित होते. पैठण तालुक्यातील पंथेवाडी येथील मेंढपाळ मल्हारी डोईफोडे व अंबादास खोलाडे यांना उद्धव ठाकरे यांनी प्रत्येकी ५० हजार रुपयांची आर्थिक मदत केली.
लोकप्रतिनिधींचे दौरेकेंद्रीय राज्यमंत्री रामदास आठवले यांनी पैठण तालुक्यातील लिंबगाव, पालकमंत्री संजय शिरसाठ यांनी कन्नड तालुक्यातील नेवपूर, घाटशेंद्रा, टाकळी अंतूर, सोयगाव तालुक्यातील बोरमाळ तांडा, तिडका, घोसला, निमखेडी, काँग्रेसचे प्रदेशाध्यक्ष हर्षवर्धन सपकाळ, खासदार कल्याण काळे यांनी कोळी बोडखा, मुरमा आदी ठिकाणी पाहणी केली.
.jpg)
.jpg)
