मयूर पार्कमध्ये मंगळसूत्र चोरट्यांचा थरार : विवाहितेची लाखाची सोनसाखळी हिसकावून दुचाकीवरून ठोकली धूम!

By City News Desk

On 16 Mar 2026

मयूर पार्कमध्ये मंगळसूत्र चोरट्यांचा थरार : विवाहितेची लाखाची सोनसाखळी हिसकावून दुचाकीवरून ठोकली धूम!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : शहरात मंगळसूत्र चोरट्यांनी सध्या कहर केला आहे. ते रोज कुठे ना कुठे मंगळसूत्र हिसकावून पसार होत आहेत. यामुळे महिलांच्या गळ्याला दुखापत आहे. आताही मयूर पार्कमधील गुरुदत्त हौसिंग सोसायटीत रविवारी (१५ मार्च) रात्री पावणेनऊच्या सुमारास विवाहितेचे १ लाख १० हजार रुपयांची सोनसाखळी हिसकावून चोरटे पसार झाले.

हर्षा महेश बाहेती (वय ४५, रा. गुरुदत्त हौसिंग सोसायटी, मयूर पार्क) यांनी या प्रकरणात तक्रार दिली आहे. त्या पती व मुलाबाळासह राहतात. त्यांचे पती परिवार मिठाई व फरसानचे दुकान चालवितात. रविवारी रात्री पावणेनऊच्या सुमारास जेवण करून हर्षा व त्यांच्या जाऊ सीमा या घरासमोरील रोडवर शतपावली करत असताना घराच्या पूर्वेकडील दिशेने त्यांच्या समोरून एका पल्सर मोटारसायकलीवर दोघे पश्चिम दिशेकडे गेले.

परत वळण घेऊन हर्षा यांच्याजवळ आले. त्यातील मागे बसलेल्या व्यक्तीने हर्षा यांच्या गळ्यातील सोन्याची साखळी जबरदस्तीने खेचून पाटील हॉस्पिटलच्या दिशेने सुसाट पळून गेले. हर्षा यांनी आरडाओरड केल्याने त्या ठिकाणी त्यांचे दीर व गल्लीतील लोक जमा झाले. त्यावेळी दिराने काही अंतरापर्यंत त्यांचा पाठलाग केला. मात्र चोरटे जोरात निघून गेले. चोरांनी नेलेली सोनसाखळी १ लाख १० हजार रुपयांची आहे. अधिक तपास पोलीस अंमलदार आसेफिया पटेल करत आहेत.