संशयावरून पतीचा मोबाइल तपासला, महिलेसोबत दिसले चॅटिंग!, पुढे जे घडलं ते धक्कादायक..३० वर्षीय विवाहितेने सांगितली करमाड पोलिसांना आपबिती!!

छत्रपती संभाजीनगर (मेट्रोपोलिस पोस्ट वृत्तसेवा) : करमाड पोलीस ठाण्याच्या हद्दीत राहणाऱ्या ३० वर्षीय विवाहितेने पती व त्याच्या कथित प्रेयसीविरुद्ध तक्रार दिली आहे. पोलिसांनी दोघांविरुद्ध गुरुवारी (२८ फेब्रुवारी) गुन्हा दाखल करून तपास सुरू केला आहे.

या प्रकरणात तक्रार दिली आहे. तिचे लग्न १३ जून २०१० रोजी झाले. पतीपासून तिला दोन मुली व एक मुलगा आहे. लग्न झाल्यापासून पतीने १३ वर्षे चांगले वागविले. लग्नानंतर ती पतीसोबत सिडको एन ७ अयोध्यानगर, छत्रपती संभाजीनगर येथे राहत होती. २० जानेवारी २०२५ पासून तिला पतीच्या वागण्यात बदल दिसू लागला. ते सतत विवाहितेच्या चारित्र्यावर संशय घेऊन शारीरिक व मानसिक त्रास देऊन चापट बुक्क्याने मारहाण करून जीवे मारण्याची धमकी देत होते. एकेदिवशी तिने पतीचा मोबाइल तपास असता मोबाइलमध्ये कविता नावाच्या महिलेसोबत पतीने चॅटिंग केलेली दिसली.

त्यामुळे विवाहितेने त्या महिलेला कॉल करून सांगितले, की मला तीन मुले आहेत. तू माझ्या संसारात ढवळाढवळ करू नको... त्यावर त्या महिलेने विवाहितेला फोनवर शिवीगाळ करून तुझा संसार होऊ देणार नाही, असे धमकावले. तिने याबाबत पतीला विचारणा केली असता तो म्हणाला, की तुला घरात सर्वकाही मिळते ना. विनाकारण चौकशा कशाला करतेस. तू जर पुन्हा त्या महिलेचे नाव घेतले तर तुला जीवंत मारून टाकेन, असे धमकावून पतीने विवाहितेला चापटबुक्क्यांनी मारहाण केली. ९ जानेवारी २०२६ रोजी रात्री ९ ला पती दारू पिऊन घरी आला. विवाहितेला म्हणाला, की तू फोनवर कोणासोबत बोलते, तुझे कोणीतरी मित्र आहे, असे म्हणून त्याने मारहाण केली व घराबाहेर हाकलून दिले. तेव्हापासून ती माहेरीच आहे, असे तक्रारीत म्हटले आहे. पोलीस अंमलदार संजय जगताप करत आहेत.