Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : भरवस्तीत विनाकारण बंदुकीतून २ राऊंड फायर केल्याप्रकरणी छावणी पोलीस ठाण्याच्या होमगार्ड विरुद्ध आज, २८ फेब्रुवारीला गुन्हा दाखल करण्यात आला आहे. त्याच्याकडील बंदुक आणि जीवंत काडतुसेही जप्त करण्यात आली.
या प्रकरणात पोलीस अंमलदार शफीक शेख यांनी तक्रार दिली आहे. शुक्रवारी (२७ फेब्रुवारी) रात्री साडेनऊला छावणी पोलिसांना नागरिकांनी कळवले, की निसर्ग कॉलनीत आनंद बुद्ध विहाराजवळ एक जण फायरिंग करत आहे. त्यानंतर पोलीस उपनिरीक्षक खाजेकर यांनी सहकारी अंमलदार दांडगे, परचाके, सोरमारे, शेख यांच्यासह निसर्ग कॉलनीत धाव घेतली. तिथे आनंद बुद्धविहाराजवळ राहणाऱ्या होमगार्ड प्रसंजीत मनोहर कांबळे (वय ४८) हा त्याच्याकडील परवाना असलेल्या १२ बोअर बंदुकीमधून २ राउंड मानवी वस्तीत काही एक कारण नसताना फायर केले असल्याचे दिसून आले. तो दारूच्या नशेत असल्याचेही दिसून आले. त्यानंतर या ठिकाणाहून यापूर्वी फायर केलेले १७ व आजरोजी फायर केलेले २ खाली केस तसेच १३ जिवंत काडतुसे व १२ बोअरची बंदूक असा एकूण १३ हजार ४४० रुपयांचा मुद्देमाल जप्त करण्यात आला. अधिक तपास पोलीस उपनिरीक्षक सचिन गाडेकर करत आहेत.
.jpg)
.jpg)
.jpg)
.jpg)
.jpg)
.jpg)
