Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : वाळूज एमआयडीसीतील एमआयडीसीच्या मालकीच्या मोकळ्या जागेवर प्लॉट क्र. १७ येथे लोखंडी स्टँडवर छत्रपती शिवाजी महाराज यांचा अर्धाकृती पुतळा अनधिकृतरित्या बसविण्यात रात्रीतून कुणीतरी बसवला. त्यामुळे एमआयडीसीने वाळूज एमआयडीसी पोलीस ठाण्यात तक्रार दिली. त्यावरून पोलिसांनी अज्ञात व्यक्तींविरुद्ध शुक्रवारी (२७ फेब्रुवारी) गुन्हा दाखल केला आहे.
महाराष्ट्र औद्योगिक विकास महामंडळाचे (एमआयडीसी) तांत्रिक सहायक प्रशांत सरोदे (रा. वडगाव कोल्हाटी) यांनी या प्रकरणात तक्रार दिली आहे. १९ फेब्रुवारीला सकाळी ११ च्या सुमारास सरोदे हे सुरक्षारक्षक गौतम मोरे, भरत साळे, मिलींद खिल्लारे यांच्यासह जात असताना त्यांच्या ही बाब निदर्शनास आली. सरोदे यांनी तिथल्या लोकांना याबाबत विचारणा केली असता कुणी काही सांगितले नाही. कोणीतरी अज्ञात व्यक्तीने एमआयडीसीची परवानगी न घेता अनधिकृतरित्या पुतळा बसविल्याची तक्रार सरोदे यांनी पोलिसांत केली. तपास पोलीस अंमलदार संतोष सूर्यवंशी करत आहेत.
.jpg)
.jpg)
.jpg)
.jpg)
.jpg)
.jpg)
